Man UTD ប្រកាសពីការទទួលបានចំណូលបំបែកកំណត់ត្រា

Premier League
October 27th, 2023 (1 year)
1200 Views
Share

Manchester United បានរាយការណ៍ថា ក្លិបទទួលបានប្រាក់ចំណូលប្រមាណ ៦៤៨.៤លានផោន សម្រាប់រយៈពេលមួយឆ្នាំគិតត្រឹមថ្ងៃទី៣០ ខែមិថុនា ឆ្នាំ២០២៣។

ចំនួននេះមានការកើនឡើង១១ភាគរយ ធៀបទៅនឹងឆ្នាំមុន ហើយបានបំបែកកំណត់ត្រាចាស់របស់ពួកគេកាលពីឆ្នាំ២០១៩។

ក្លិបបិសាចក្រហម ទទួលបានចំណូលបំបែកកំណត់ត្រា បើទោះបីជាពួកគេ លេងនៅក្នុងពានរង្វាន់ Europa League ក៏ដោយនារដូវកាលមុន។

ក្លិបបានព្យាករថា នៅរដូវកាល២០២៣-២៤ នេះ ប្រាក់ចំណូលដែលពួកគេទទួលបាន អាចនៅចន្លោះពី ៦៥០ទៅ៦៨០លានផោន។

រដូវកាល ២០២២-២៣ ក្រុមបុរសរបស់ Man Utd បញ្ចប់នៅ Premier League ក្នុងចំណាត់ថ្នាក់លេខ៣ និងគ្រងជើងឯក League Cup ហើយក្រុមនារី បានឈរលេខ២ក្នុងលីគ និងជាជើងឯករង FA Cup ។

ប្រកួតបន្ទាប់ Man Utd នឹងបើកទ្វារកីឡដ្ឋានទទួលស្វាគមន៍ Manchester City នៅសប្ដាហ៍ទី១០ នៃក្របខណ្ឌ Premier League ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN តែមួយគត់ នៅថ្ងៃអាទិត្យ ទី២៩ ខែតុលា ចាប់ពីម៉ោង ២២:៣០ នាទីតទៅ៕

អត្ថបទទាក់ទង