pinuppinup casinomostbet1 win1win kzmostbetpinup4r betpinup india1 winmostbet casinopinup indiapin uplucky jet crashparimatchmostbet1 win azmost betlucky jetmostbet lucky jet1 win casinomostbet onlinemostbet casino1 win online1winlucky jet casinopin up kzmostbet kz1 winmosbet1 win casinomostbet azmosbet casino1 win aviatorlucky jet casinomostbet az casinopin up 7771 win gameaviator4rabet1win yüklə1win slots1 вин авиаторmosbet aviatorpin up bettingmostbet indiapinap4x betparimatch1win aviator4rabet casino
×

ឪពុករបស់តារាបាល់ទាត់ Liverpool ត្រូវបានចាប់ជំរិតដោយក្រុមឧទ្ទាមនៅកូឡុំប៊ី

រដ្ឋាភិបាលកូឡុំប៊ីបានប្រកាសថា ឪពុករបស់កីឡាករបាល់ទាត់ Liverpool ពោលគឺ Luis Díaz ត្រូវបានចាប់ជំរិត ដោយពួកឧទ្ទាមស្ថិតក្រោមកងទ័ពរំដោះជាតិ (ELN) ។

កាលពីថ្ងៃព្រហស្បតិ៍ គណៈប្រតិភូរដ្ឋាភិបាលដែលបច្ចុប្បន្នកំពុងចូលរួមក្នុងកិច្ចចរចាសន្តិភាពជាមួយក្រុមឧទ្ទាម បាននិយាយថា ឪពុករបស់ Diaz ត្រូវបានចាប់ជំរិតដោយអង្គភាពដែលជាកម្មសិទ្ធិរបស់ ELN។

សេចក្ដីរាយការណ៍ឱ្យដឹងថា ក្រុមនេះនឹងដោះលែងឪពុករបស់ Díaz នៅប៉ុន្មានថ្ងៃខាងមុខ។ ELN គឺជាក្រុមទ័ពព្រៃសកម្មដែលនៅសេសសល់ក្នុងប្រទេសកូឡុំប៊ី។ ពួកគេបានប្រយុទ្ធជាមួយរដ្ឋាភិបាលប្រទេសនេះ តាំងពីឆ្នាំ១៩៦៤មកម្ល៉េះ ហើយមានសមាជិកប្រមាណ ២៥០០នាក់។ ក្រុមនេះ មានសកម្មភាពសកម្មបំផុតនៅក្នុងតំបន់ព្រំដែនជាមួយប្រទេសវេណេហ្សុយអេឡា ដែលជាកន្លែងដែលលោក Luis Manuel Díaz និងប្រពន្ធរបស់គាត់ ឈ្មោះ Cilenis Marulanda រស់នៅ។

ខ្សែវីដេអូ CCTV បានបង្ហាញថា រថយន្តរបស់ពួកគាត់ ត្រូវបានម៉ូតូរបស់ក្រុមឧទ្ទាមប្រដេញតាម កាលពីរសៀលថ្ងៃសៅរ៍។ បន្ទាប់មក ក្រុមប្រដាប់ដោយអាវុធ បានបញ្ឈប់រថយន្តរបស់ពួកគាត់នៅស្ថានីយប្រេងឥន្ធនៈមួយកន្លែង ក្នុងស្រុកកំណើតរបស់ពួកគាត់ នៅ Barrancas ក្នុងខេត្ត La Guajira ។

ប៉ុន្តែក្រោយមក ក្រុមខ្មាន់កាំភ្លើងបានទម្លាក់ម្តាយរបស់ Luis Díaz ពីរថយន្ត ខណៈប៉ូលិសកំពុងតាមពីក្រោយ ប៉ុន្តែមិនបានដោះលែងឪពុករបស់គាត់ឡើយ។ ប៉ូលីសបានផ្តោតលើការស្វែងរករបស់ពួកគេនៅ Serranía del Perijá ដែលជាតំបន់ភ្នំជាប់ព្រំដែនរវាងកូឡុំប៊ី និងវ៉េណេហ្សុយអេឡា។

ពួកគេបានរកឃើញម៉ូតូពីរគ្រឿង និងរថយន្តមួយគ្រឿង ដែលពួកគេគិតថាត្រូវបានប្រើប្រាស់ក្នុងការចាប់ជំរិត ប៉ុន្តែមិនទាន់អាចកំណត់កន្លែងលាក់ខ្លួនរបស់ពួកគេនៅឡើយទេ។

នៅក្នុងសេចក្តីថ្លែងការណ៍ ប្រមុខគណៈប្រតិភូរដ្ឋាភិបាលដែលកំពុងចរចាជាមួយ ELN លោក Otty Patiño បានទាមទារឱ្យមានការដោះលែងលោក Luis Manuel Díaz ជាបន្ទាន់។

ក្នុងសេចក្ដីថ្លែងការណ៍នេះ បានឱ្យដឹងថា៖ “យើងសូមរំឭក ELN ថាការចាប់ជំរិតគឺជាអំពើឧក្រិដ្ឋកម្មដែលបំពានលើច្បាប់មនុស្សធម៌អន្តរជាតិ ហើយថាវាជាកាតព្វកិច្ចរបស់ពួកគេក្នុងនាមជាភាគីមួយនៃដំណើរកិច្ចព្រមព្រៀងសន្តិភាពនាពេលបច្ចុប្បន្ន មិនត្រឹមតែបញ្ឈប់ការចាប់ជំរិតប៉ុណ្ណោះទេ ប៉ុន្តែត្រូវតែបញ្ឈប់ជារៀងរហូត”។

កន្លងមកការព្យាយាមចុះកិច្ចព្រមព្រៀងសន្តិភាពជាមួយ ELN បានបរាជ័យ ប៉ុន្តែជាផ្នែកមួយនៃយុទ្ធសាស្រ្តរបស់ប្រធានាធិបតី Gustavo Petro ដើម្បីសន្តិភាព រដ្ឋាភិបាលរបស់លោកបានចាប់ផ្តើមការចរចាឡើងវិញជាមួយក្រុមទ័ពព្រៃនេះ។

កាលពីដើមឆ្នាំនេះ ភាគីទាំងពីរបានព្រមព្រៀងលើបទឈប់បាញ់ទ្វេភាគីរយៈពេល៦ខែ ដែលចូលជាធរមាននៅថ្ងៃទី៣ ខែសីហា។ ការចាប់ជំរិតឪពុករបស់ Luis Díaz បានបង្កឱ្យមានកំហិងនៅក្នុងប្រទេសកូឡុំប៊ី។

កាលពីថ្ងៃអង្គារ មនុស្សរាប់រយនាក់បានចេញមកទាមទារឱ្យមានការដោះលែងគាត់។ ក្រុម Liverpool ក៏បានបង្ហាញពីការគាំទ្រ ដោយអ្នកចាត់ការ Jurgen Klopp បានឧទ្ទិសជ័យជម្នះ ៣-០ លើ Nottingham Forest សម្រាប់ Díaz ។

ការផ្សាយបន្តផ្ទាល់ការប្រកួតសប្ដាហ៍ទី១១ នៃក្របខណ្ឌ Premier League របស់ CBS ៖
Fulham Vs Man Utd ថ្ងៃសៅរ៍ ទី៤ វិច្ឆិកា ម៉ោង៧:២៥នាទីយប់ នៅ CNC
Man City Vs Bournemouth ថ្ងៃសៅរ៍ ទី៤ វិច្ឆិកា ម៉ោង៩:៥៥នាទីយប់ នៅ MyTV
Luton Town Vs Liverpool ថ្ងៃអាទិត្យ ទី៥ វិច្ឆិកា ម៉ោង១១:២៥នាទីយប់ នៅ CTN ៕

អ្នកអាចចែករំលែកដោយ៖

អត្ថបទទាក់ទង