Marcus Rashford ស្នើឱ្យបញ្ឈប់ការនិយាយពីអនាគតរបស់ខ្លួននិង Man Utd

Premier League
November 7th, 2023 (1 year)
721 Views
Share

Marcus Rashford បានអំពាវនាវឱ្យបញ្ឈប់ការនិយាយពីអនាគតរបស់គេនៅក្លិប Manchester United បន្ទាប់ពីខ្សែប្រយុទ្ធអង់គ្លេសរូបនេះ មិនមានឈ្មោះក្នុងការទទួលជ័យជម្នះលើ Fulham ដោយសារបញ្ហារបួស។

Rashford ត្រូវបានគ្រូបង្វឹក Erik ten Hag រិះគន់បន្ទាប់ពីគាត់បានចេញទៅអបអរខួបកំណើតរបស់គាត់ បន្ទាប់ពីចាញ់ Manchester City ៣-០ កាលពីជាងមួយសប្តាហ៍មុន។ ប៉ុន្តែ Ten Hag បានបញ្ជាក់ថាអវត្តមានរបស់ខ្សែប្រយុទ្ធកាលពីថ្ងៃសៅរ៍ គឺដោយសាររបួស។

Rashford បាននិយាយថា៖ “សូមបញ្ឈប់ការផ្សព្វផ្សាយពាក្យចចាមអារ៉ាមអាក្រក់”។ កីឡាករវ័យ ២៦ ឆ្នាំរូបនេះបានបង្ហោះនៅលើ X ដែលគេស្គាល់ថាជា Twitter ក្នុងការឆ្លើយតបទៅនឹងគណនី The United Stand ដែលជា Channel របស់អ្នកគាំទ្រ Manchester United ។

United Stand បាននិយាយពីប្រធានបទរបស់ Rashford នៅក្នុងផតខាសថា៖ “អនាគតរបស់ Rashford ស្ថិតនៅក្នុងភាពមិនច្បាស់លាស់? យើងកំពុងផ្សាយបន្តផ្ទាល់!”

ខ្សែប្រយុទ្ធជម្រើសជាតិអង់គ្លេស បានលេងជាកីឡាករបម្រុងក្នុងការចាញ់ក្រុម Newcastle ៣-០ ក្នុងការប្រកួត EFL Cup បីថ្ងៃបន្ទាប់ពីជួបជាមួយ Man City។

Rashford គឺជាអ្នកស៊ុតបញ្ចូលទីច្រើនជាងគេសម្រាប់ Manchester United កាលពីរដូវកាលមុន ដោយរកបាន ៣០គ្រាប់នៅគ្រប់កម្មវិធីប្រកួតទាំងអស់។

United បានចាញ់ ៥ប្រកួតក្នុងចំណោម ១១ប្រកួតនៅក្របខណ្ឌ Premier League ក្នុងរដូវកាលនេះ ប៉ុន្តែការទទួលជ័យជម្នះចុងក្រោយលើក្រុម Fulham បានធ្វើឱ្យពួកគេត្រលប់មកវិញពីការបរាជ័យជាបន្តបន្ទាប់នៅក្នុងលីគ និង EFL Cup ។

ការផ្សាយបន្តផ្ទាល់ការប្រកួតសប្ដាហ៍ទី១២ នៃក្របខណ្ឌ Premier League របស់ CBS ៖
Wolves Vs Spurs ថ្ងៃសៅរ៍ ទី១១ វិច្ឆិកា ម៉ោង៧:២៥នាទីយប់ នៅ CNC
Arsenal Vs Burnley ថ្ងៃសៅរ៍ ទី១១ វិច្ឆិកា ម៉ោង៩:៥៥នាទីយប់ នៅ MyTV
Chelsea Vs Man Cityថ្ងៃអាទិត្យ ទី១២ វិច្ឆិកា ម៉ោង១១:២៥នាទីយប់ នៅ CTN ៕

អត្ថបទទាក់ទង