អាជ្ញាកណ្ដាល Anthony Taylor នឹងដឹកនាំការប្រកួត Chelsea ទល់នឹង Man City ក្រោយទទួលការពិន័យ

Premier League
November 8th, 2023 (1 year)
810 Views
Share

លោក Anthony Taylor ត្រូវបានតែងតាំងជាអាជ្ញាកណ្តាលសម្រាប់ជំនួបដ៏ធំរវាង Chelsea ទល់នឹង Manchester City ក្នុងការប្រកួតក្របខណ្ឌ Premier League សប្ដាហ៍ទី១២ បន្ទាប់ពីអាជ្ញាកណ្ដាលរូបនេះ បានទទួលការពិន័យឱ្យដឹកនាំការប្រកួតក្នុងក្របខណ្ឌ Championship ។

លោក Taylor មិនបានដឹកនាំការប្រកួតលីគកំពូលអង់គ្លេស កាលពីចុងសប្តាហ៍កន្លងទៅទេ ហើយត្រូវបានឱ្យទទួលបន្ទុកការប្រកួតក្នុងក្របខណ្ឌ Championship ជាលើកដំបូងក្នុងរយៈពេល ៤ ឆ្នាំ បន្ទាប់ពីគាត់បានផ្តល់ការពិន័យដ៏ចម្រូងចម្រាសដល់ Newcastle ក្នុងលទ្ធផលស្មើ ២-២ ជាមួយ Wolves ។

លោក Taylor បានពិន័យលើ Hwang Hee-chan ដែលគាត់បានសម្រេចថាកីឡាករកូរ៉េខាងត្បូងបានបង្កកំហុសលើ Fabian Schar ប៉ុន្តែការត្រួតពិនិត្យឡើងវិញនៃឧប្បត្តិហេតុ បង្ហាញថាវាគ្រាន់តែជាការប៉ះទង្គិចបន្តិចបន្តួចប៉ុណ្ណោះ។ លោក Jarred Gillett ដែលជាអ្នកគ្រប់គ្រងវីដេអូជំនួយការអាជ្ញាកណ្តាល មិនបានស្នើឱ្យលោក Taylor ពិនិត្យមើលឧប្បត្តិហេតុនៅលើអេក្រង់លើទីលានឡើងវិញទេ។ ក្រោយមកក្រុមប្រឹក្សាឯករាជ្យ PGMOL បានពិនិត្យលើការសម្រេចចិត្តនេះ ថា ការពិន័យប៉េណាល់ទីមិនគួរត្រូវបានផ្តល់ជូនទេ។

គ្រូបង្វឹក Wolves លោក Gary O’Neil បាននិយាយថា៖ “ខ្ញុំគិតថាវាជាការសម្រេចចិត្តដ៏អាក្រក់មួយនៅលើទីលាន ហើយខ្ញុំគិតថា វាគួរឱ្យភ្ញាក់ផ្អើលមិនគួរឱ្យជឿដែលវាមិនត្រូវបានគេជំទាស់” ។

កាលពីថ្ងៃសៅរ៍ លោក Taylor បានទទួលបន្ទុកក្នុងការប្រកួតរវាង Preston North End និង Coventry City នៅក្របខណ្ឌលីគទីពីររបស់អង់គ្លេស។ ក្នុងការប្រកួតនេះ លោក Taylor បានផ្ដល់បាល់ពិន័យ១១ម៉ែត្រក្នុងប្រអប់គ្រោះថ្នាក់របស់ Coventry ប៉ុន្តែការពិនិត្យឡើងវិញបង្ហាញថាជាការប៉ះទង្គិចបន្តិចបន្តួច។ ជាលទ្ធផល Preston យកឈ្នះ Conventry ៣-២ ។

Chelsea ដែលស្ថិតនៅចំណាត់ថ្នាក់លេខ១០ ក្នុងក្របខណ្ឌ Premier League ធ្វើជាម្ចាស់ផ្ទះទទួលក្រុម Man City នៅកីឡដ្ឋាន Stamford Bridge នាថ្ងៃអាទិត្យ ទី១២ ខែវិច្ឆិកា ដែលនឹងមានផ្សាយបន្តផ្ទាល់ផ្តាច់មុខនៅលើកញ្ចក់ទូរទស្សន៍ CTN តែមួយគត់នៅកម្ពុជា ចាប់ពីម៉ោង ១១:២៥ នាទីយប់តទៅ៕

អត្ថបទទាក់ទង