Marcus Rashford ត្រឡប់មកកាន់ក្រុម Man Utd ត្រៀមប្រកួតនឹង Copenhagen យប់នេះ

Premier League
November 8th, 2023 (1 year)
487 Views
Share

Marcus Rashford បានត្រឡប់មកកាន់ក្រុម Manchester United វិញហើយ សម្រាប់ការធ្វើដំណើរទៅជួបក្រុមម្ចាស់ផ្ទះ FC Copenhagen ក្នុងក្របខណ្ឌ Champions League ដោយមានអ្នកចាត់ការ Erik ten Hag បានទទូចថា ខ្សែប្រយុទ្ធរូបនេះបាន ប្តេជ្ញាចិត្តដើម្បីលេងសម្រាប់ក្លិប។

កីឡាករវ័យ ២៦ឆ្នាំ បានខកខានការទទួលជ័យជម្នះ ១-០ លើ Fulham បន្ទាប់ពីមានបញ្ហារបួសបន្តិចបន្តួចអំឡុងពេលហ្វឹកហាត់។ ប៉ុន្តែរូបគេនឹងធ្វើដំណើរជាមួយក្រុមសម្រាប់ការប្រកួតយប់នេះ។ ខ្សែប្រយុទ្ធដែលកំពុងធ្លាក់ទម្រង់រូបនេះ រកបាន ១គ្រាប់ក្នុង ១៤ប្រកួតនៅគ្រប់កម្មវិធីប្រកួតទាំងអស់នៅក្នុងរដូវកាលនេះ។

លោក Ten Hag បាននិយាយថា៖ “គាត់កំពុងខិតខំប្រឹងប្រែងក្នុងការហ្វឹកហាត់ដើម្បីត្រលប់មកវិញ។
Marcus ប្តេជ្ញាចិត្តយ៉ាងខ្លាំងចំពោះ Manchester United”។ លោក Ten Hag បានបន្តថា Rashford អាចចូលលេងក្នុងការប្រកួតនៅប្រទេសហូឡង់ នៅយប់នេះ។

Rashford គឺជាអ្នកស៊ុតបញ្ចូលទីច្រើនជាងគេរបស់ United ក្នុងរដូវកាល ២០២២-២៣ ដោយរកបាន ៣០ គ្រាប់នៅគ្រប់កម្មវិធីប្រកួតទាំងអស់ ប៉ុន្តែរកបានតែ១គ្រាប់គត់នៅរដូវកាលនេះ ក្នុងការចាញ់ Arsenal ៣-១ កាលពីខែកញ្ញា។

United បានចាញ់ Man City ៣-០ នៅក្នុងដីក្នុងក្របខណ្ឌ Premier League និង Newcastle ៣-០ ក្នុងពានរង្វាន់ EFL Cup ។ ពួកគេទទួលជ័យជម្នះលើក្រុម Fulham ១-០ ដែលជាការទទួលជ័យជម្នះលើកទី៨ ក្នុង ១៦ប្រកួត នៅក្នុងកម្មវិធីប្រកួតទាំងអស់ក្នុងរដូវកាលនេះ។

ក្រុមបិសាចក្រហមបានចាប់ផ្តើមវគ្គចែកពូលនៃក្របខណ្ឌ Champions League ជាមួយនឹងការចាញ់ពីរលើក ប៉ុន្តែបានយកឈ្នះ Copenhagen នៅក្នុងការប្រកួតទី៣ នៅក្នុងដី កាលពី២សប្ដាហ៍មុន។ ពួកគេមានគម្លាត ៦ពិន្ទុពីក្រុមកំពូលតារាង Bayern Munich ខណៈក្រុមតួកគី Galatasaray ស្ថិតនៅលេខ២ ដែលឈរនៅលើ United ១ពិន្ទុ។

ការផ្សាយបន្តផ្ទាល់ការប្រកួតសប្ដាហ៍ទី១២ នៃក្របខណ្ឌ Premier League របស់ CBS ៖
Wolves Vs Spurs ថ្ងៃសៅរ៍ ទី១១ វិច្ឆិកា ម៉ោង៧:២៥នាទីយប់ នៅ CNC
Arsenal Vs Burnley ថ្ងៃសៅរ៍ ទី១១ វិច្ឆិកា ម៉ោង៩:៥៥នាទីយប់ នៅ MyTV
Chelsea Vs Man Cityថ្ងៃអាទិត្យ ទី១២ វិច្ឆិកា ម៉ោង១១:២៥នាទីយប់ នៅ CTN ៕

អត្ថបទទាក់ទង