Chelsea មិនប្រថុយដាក់ Nkunku សម្រាប់ការប្រកួតទល់នឹង Newcastle ទេ

Premier League
November 22nd, 2023 (1 year)
702 Views
Share

Christopher Nkunku ទំនងជាមិនទាន់ចូលលេងសម្រាប់ Chelsea ទល់នឹង Newcastle បានទេ ស្របពេលដែលខ្សែប្រយុទ្ធតម្លៃ ៥២ លានផោនរូបនេះ បានត្រឡប់មកពីរបួសជង្គង់ធ្ងន់ធ្ងរ។

ខ្សែប្រយុទ្ធជម្រើសជាតិបារាំង ដែលបានផ្ទេរពីក្រុម RB Leipzig បានទទួលការវះកាត់ បន្ទាប់ពីលេងឱ្យ Chelsea ទល់នឹង Borussia Dortmund នៅមុនបើករដូវកាល ។

Nkunku វ័យ ២៦ ឆ្នាំកំពុងហ្វឹកហាត់នៅលើស្មៅនៅ Cobham ជាមួយអ្នកចាត់ការ Mauricio Pochettino បាននិយាយថាថ្មីៗនេះគាត់ជិតត្រឡប់ទៅកាន់ទីលានប្រកួតសាជាថ្មី។ ប៉ុន្តែបុគ្គលិកពេទ្យរបស់ Chelsea មិនប្រថុយឱ្យខ្សែប្រយុទ្ធសញ្ជាតិបារាំងចូលលេងភ្លាមៗទេ។

Nkunku ដែលបានចុះហត្ថលេខាលើកុងត្រា ៦ឆ្នាំនៅកីឡដ្ឋាន Stamford Bridge អាចនឹងបង្ហាញខ្លួនជាលើកដំបូងក្នុងការប្រកួតរបស់ Chelsea នៅដើមខែធ្នូ ទល់នឹង Brighton, Manchester United និង Everton ។ រូបគេបានស៊ុតបញ្ចូលទីបាន ៣៥ គ្រាប់ក្នុងការបង្ហាញខ្លួន ៥២ លើកសម្រាប់ក្លឹបអាឡឺម៉ង់ RB Leipzig ក្នុងរដូវកាល ២០២១-២២ និង ២៣ គ្រាប់ក្នុង ៣៦ ប្រកួតកាលពីរដូវកាលមុន។

Chelsea ស៊ុតបញ្ចូលទីបាន ៨ គ្រាប់ក្នុងពីរប្រកួតចុងក្រោយរបស់ពួកគេជាមួយនឹងក្រុម Tottenham Hotspur និង Manchester City បន្ទាប់ពីទទួលលទ្ធផលមិនបានល្អនៅដើមរដូវកាល។

ការប្រកួតរវាង Newcastle ទល់នឹង Chelsea នឹងផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV នាថ្ងៃសៅរ៍ ទី២៥ ខែវិច្ឆិកា ចាប់ពីម៉ោង ៩:៥៥ នាទីយប់តទៅ សម្រាប់ទស្សនិកជននៅក្នុងប្រទេសកម្ពុជា៕

អត្ថបទទាក់ទង