លោក Ten Hag រងសម្ពាធទោះស្ថិតិរកឃើញថាជាគ្រូ Man Utd ល្អបំផុតក៏ដោយ

Premier League
December 5th, 2023 (1 year)
661 Views
Share

ស្ថិតិបានបង្ហាញថា ការទទួលជ័យជម្នះរបស់ Manchester United ក្រោមការដឹកនាំរបស់លោក Erik Ten Hag បច្ចុប្បន្នគឺខ្ពស់ជាងអ្នកចាត់ការទូទៅរបស់ United មុនៗ ដោយមិនរាប់បញ្ចូលអ្នកចាត់ការបណ្តោះអាសន្ននោះទេ។

លោក Ten Hag បានដឹកនាំ United ទទួលជ័យជម្នះក្នុង ៥១ ប្រកួតក្នុងចំណោម ៨៣ ប្រកួតដំបូងរបស់គាត់ ដែលគិតជាភាគរយឈ្នះគឺ 61.45% ។

វីរបុរសក្លិបលោក Sir Alex Ferguson បានបញ្ចប់ការដឹកនាំរយៈពេល ២៦ ឆ្នាំរបស់គាត់ក្នុងនាមជាអ្នកចាត់ការទូទៅរបស់ United ជាមួយនឹងអត្រាឈ្នះ 59.67% ដោយបានកត់ត្រាជ័យជម្នះចំនួន ៨៩៥ ក្នុង ១៥០០ ប្រកួត។

លោក Jose Mourinho ជាប់ចំណាត់ថ្នាក់លេខ ៣ ក្នុងបញ្ជីដោយមានអត្រាឈ្នះ 58.33% នៃការប្រកួត ១៤៤ របស់គាត់ ខណៈលោក Ole Gunnar Solskjaer មាន 54.17% នៃ ១៦៨ ប្រកួតរបស់គាត់។

ក្រុមរបស់លោក Erik ten Hag បានទទួលបរាជ័យ ១០ប្រកួតមកហើយនៅក្នុងរដូវកាលនេះ នៅគ្រប់កម្មវិធីប្រកួតទាំងអស់។ ពួកគេបានរងបរាជ័យចុងក្រោយ ក្រោមស្នាដៃរបស់ Newcastle United ដោយលទ្ធផល ១-០ ក្នុងការប្រកួតក្របខណ្ឌ Premier League សប្ដាហ៍ទី១៤៕

អត្ថបទទាក់ទង