ក្លិបធំៗនៅអេស្ប៉ាញ ប្រជែងគ្នាផ្ទេរយកខ្សែប្រយុទ្ធ Mason Greenwood ក្រោយធ្វើបានល្អនៅ Getafe

Premier League
December 14th, 2023 (1 year)
1003 Views
Share

ក្លិបធំៗនៅលីគបាល់ទាត់កំពូលប្រទេសអេស្ប៉ាញ កំពុងធ្វើការប្រជែងគ្នា ដើម្បីផ្ទេរខ្សែប្រយុទ្ធ Mason Greenwood ដែលកំពុងលេងខ្ចីជើងឱ្យក្លិប Getafe ដោយផ្ទេរពី Man UTD។

កីឡាករវ័យ ២២ឆ្នាំ ទទួលបានការចាប់អារម្មណ៍ពីសំណាក់ក្លិបធំៗនៅក្របខណ្ឌ La Liga ដែលរួមទាំង Barcelona និង Atletico Madrid បន្ទាប់ពីការធ្វើបានល្អជាបន្តបន្ទាប់របស់រូបគេនាកីឡដ្ឋាន Coliseum កន្លងមក។

ក្លិបទាំងនោះ បានបញ្ជូនក្រុមការងារឱ្យធ្វើការតាមដានកីឡាករទៅមើលការប្រកួតរបស់ Greenwood ផងដែរ។ ចំណែកឯក្លិប Getafe វិញក៏មានបំណងចុះហត្ថលេខាជាអចិន្ដ្រៃយ៍ ជាមួយកីឡាករអង់គ្លេស នាដំណាច់រដូវកាលនេះ។

Mason Greenwood បានចាកចេញពី Man UTD មកចូលរួមជាមួយ Getafe ក្នុងនាមជាកីឡាករខ្ចីជើង នៅថ្ងៃបិទបញ្ចប់ការទិញដូរកីឡាកររដូវក្តៅកន្លងទៅ។ រូបគេបានបង្ហាញសមត្ថភាពយ៉ាងល្អនៅអេស្ប៉ាញ ដោយរកគ្រាប់បាល់៤គ្រាប់ និង ចែកបាល់សម្រេចទី ៣លើក ពីការបង្ហាញខ្លួន១៣ប្រកួត គ្រប់ពានរង្វាន់ទាំងអស់។

Greenwood ធ្លាប់ជាកីឡាករលេចធ្លោមួយរូបដែរ នៅ Man UTD ប៉ុន្តែរូបគេបានជួបប្រទះបញ្ហានៅក្នុងអាជីពក្រោយមានរឿងអាស្រូវប្រើអំពើហិង្សា បង្ខិតបង្ខំ រំលោភបំពានទៅលើអតីតមិត្តស្រី។ រូបគេបានបដិសេធកំហុសឆ្គង ប៉ុន្តែក៏នៅតែត្រូវបាន Man UTD ព្យួរឈ្មោះ។

ក្រោយការស៊ើបអង្កេត បង្ហាញភាពស្អាតសំ្អរួចមក Mason Greenwood ក៏ត្រូវបានអនុញ្ញាតឱ្យវិលមកកាន់ទីលាន ប៉ុន្តែជាចុងក្រោយរូបគេបានផ្លាស់មកកាន់ ក្លិប Getafe មកទល់ពេលនេះ។

ការផ្សាយបន្តផ្ទាល់ការប្រកួតសប្ដាហ៍ទី១៧ នៃក្របខណ្ឌ Premier League របស់ CBS ៖
Man City Vs Crystal Palace ថ្ងៃសៅរ៍ ទី១៦ ធ្នូ ម៉ោង៩:៥៥នាទីយប់ នៅ MyTV
Arsenal Vs Brightonថ្ងៃអាទិត្យ ទី១៧ ធ្នូ ម៉ោង៨:៥៥នាទីយប់ នៅ MyTV
Liverpool Vs Man Utd ថ្ងៃអាទិត្យ ទី១៧ ធ្នូ ម៉ោង១១:២៥នាទីយប់ នៅ CTN ៕

អត្ថបទទាក់ទង