យុទ្ធនាការ Champions League របស់ក្រុម Newcastle United បានបញ្ចប់ដោយការសោកស្ដាយ ខណៈ ក្រុម AC Milan បានវាយបកដើម្បីយកឈ្នះនៅកីឡដ្ឋាន St James’ Park ហើយទម្លាក់ក្រុមសារិកាព្រៃនៅត្រឹមវគ្គសន្សំពិន្ទុ។
ក្ដីសង្ឃឹមរបស់ Newcastle ក្នុងការឈានទៅវគ្គ១៦ក្រុមចុងក្រោយបានកើតឡើង នៅពេលដែលពួកគេបាននាំមុខនៅនាទីទី៣៣ដោយ Joelinton ខណៈការប្រកួតមួយគូទៀតក្នុងពូលជាមួយគ្នា ក្រុម Borussia Dortmund បាននាំមុខលើ Paris St-Germain ក្នុងប្រទេសអាល្លឺម៉ង់។
វាជាលទ្ធផលដែលនឹងធ្វើឱ្យ Newcastle ឆ្លងផុតវគ្គសន្សំពិន្ទុ ប៉ុន្តែកីឡាករវ័យជំទង់ Warren Zaire-Emery បានតាមស្មើសម្រាប់ក្រុមម្ចាស់ជើងឯកបារាំង PSG ក្នុងប្រទេសអាល្លឺម៉ង់។ បន្ទាប់មកអតីតខ្សែប្រយុទ្ធ Christian Pulisic របស់ Chelsea បានតាមស្មើឱ្យ Milan ទៀត នៅនាទីទី៥៩។
ខណៈភាគីទាំងពីរស្វែងរកជ័យជម្នះរៀងៗខ្លួន អ្នកចាំទី Mike Maignan របស់ Milan បានធ្វើយ៉ាងអស្ចារ្យដើម្បីជួយសង្គ្រោះឱកាសដ៏សំខាន់របស់ក្រុមម្ចាស់ផ្ទះពី Bruno Guimaraes ។ កីឡាករបម្រុង Samuel Chukwueze គឺជាអ្នករកគ្រាប់ជ័យជម្នះឱ្យក្រុមអ៊ីតាលី ផុតការសង្គ្រោះរបស់អ្នកចាំទី Martin Dubravka ។
វាបានធ្វើឱ្យអ្នកចាត់ការ Eddie Howe និងកូនក្រុមរបស់គាត់មានការខកចិត្តយ៉ាងខ្លាំង បន្ទាប់ពីការវិលត្រឡប់ទៅកាន់ក្របខណ្ឌ Champions League ក្នុងរយៈពេលជាង ២០ឆ្នាំ ប៉ុន្តែបានបញ្ចប់ដោយពួកគេស្ថិតនៅបាតតារាងនៃពូល F និងគ្មានសូម្បីតែកៅអីនៅក្នុងក្របខណ្ឌ UEFA Europa League ។
ការផ្សាយបន្តផ្ទាល់ការប្រកួតសប្ដាហ៍ទី១៧ នៃក្របខណ្ឌ Premier League របស់ CBS ៖
Man City Vs Crystal Palace ថ្ងៃសៅរ៍ ទី១៦ ធ្នូ ម៉ោង៩:៥៥នាទីយប់ នៅ MyTV
Arsenal Vs Brightonថ្ងៃអាទិត្យ ទី១៧ ធ្នូ ម៉ោង៨:៥៥នាទីយប់ នៅ MyTV
Liverpool Vs Man Utd ថ្ងៃអាទិត្យ ទី១៧ ធ្នូ ម៉ោង១១:២៥នាទីយប់ នៅ CTN ៕