Christian Eriksen ផ្ដល់ការលើកទឹកចិត្តដល់ Tom Lockyer ដែលគាំងបេះដូងពេលប្រកួត

Premier League
December 19th, 2023 (1 year)
423 Views
Share

កីឡាករ Christian Eriksen របស់ក្រុម Manchester United ដែលបានជួបបញ្ហាគាំងបេះដូងនៅលើទីលាន ពេលលេងឱ្យក្រុមជម្រើសជាតិដាណឺម៉ាកក្នុងព្រឹត្តិការណ៍ Euro 2020 បានផ្ញើសារគាំទ្រដល់ប្រធានក្រុម Luton Town កីឡាករ Tom Lockyer ដែលបានគាំងបេះដូងអំឡុងពេលការប្រកួតជាមួយ Bournemouth នៅក្របខណ្ឌ Premier League កាលពីថ្ងៃសៅរ៍។

ការប្រកួតនេះ ត្រូវបានផ្អាកនៅនាទីទី៦៥ នៅក្នុងលទ្ធផល ១-១ បន្ទាប់ពី Lockyer បានដួលនៅលើទីលានដោយគ្មានកីឡាករផ្សេងទៀតនៅក្បែរគាត់។

ខ្សែបម្រើ Eriksen បានឱ្យដឹងថា៖ “ជាដំបូងខ្ញុំសង្ឃឹមថាគាត់មិនអីទេ។
ខ្ញុំបានអាន និងបានឃើញនូវអ្វីដែលបានកើតឡើង ហើយខ្ញុំសង្ឃឹមថា គាត់មិនអីទេ ចំណាយពេលរបស់គាត់ មានសុខភាពល្អ ហើយគ្រួសាររបស់គាត់នៅទីនោះ ដើម្បីគាំទ្រគាត់។

ខ្សែបម្រើរបស់ក្រុមបិសាចក្រហមបន្តថា៖ “ដំបូន្មានរបស់ខ្ញុំចំពោះគាត់គឺធ្វើការសម្រេចចិត្តដ៏ល្អបំផុតដែលអ្នកអាចធ្វើបាន។ ស្តាប់គ្រូពេទ្យ ហើយប្រសិនបើ [ពួកគេ] ប្រាប់អ្នកឱ្យធ្វើអ្វីមួយ អ្នកត្រូវតែធ្វើតាម។
គ្មានអ្វីដែលអាចរារាំងអ្នកបានទេ ប៉ុន្តែនៅទីបញ្ចប់ វាអាស្រ័យទៅលើអារម្មណ៍របស់គាត់ និងការណែនាំរបស់គ្រូពេទ្យ។ គាត់ត្រូវតែធ្វើការសម្រេចចិត្តជាមួយគ្រួសាររបស់គាត់សម្រាប់រឿងបន្ទាប់ ប៉ុន្តែគាត់គួរតែចំណាយពេលរបស់គាត់ ហើយផ្តោតលើ ខ្លួនឯង។”

គួររំឭកថា ខ្សែការពារកណ្តាលសញ្ជាតិវែលស៍រូបនេះ ក៏បានដួលក្នុងវគ្គជម្រុះរបស់ Luton កាលពីខែឧសភា ហើយក្រោយមកបានទទួលការវះកាត់ដើម្បីព្យាបាលជំងឺបេះដូង មុនពេលគាត់ត្រូវបានអនុញ្ញាតឱ្យបន្តអាជីពលេងរបស់គាត់៕

អត្ថបទទាក់ទង