Hugo Lloris ចង់ចរចាផ្ទេរទៅក្លិបនៅអាមេរិក

Premier League
December 29th, 2023 (1 year)
749 Views
Share

អ្នកចាំទី Hugo Lloris របស់ Tottenham Hotspur កំពុងមានការចរចាដើម្បីផ្ទេរទៅកាន់ក្លិប LAFC នៅក្របខណ្ឌ Major League Soccer ដោយមិនមានតម្លៃផ្ទេរ។

កីឡាករបារាំង វ័យ៣៧ឆ្នាំ ខិតកៀកក្នុងការចាកចេញពី Tottenham Hotspur អំឡុងទីផ្សាររដូវក្ដៅ ហើយបានពិភាក្សាជាមួយ Lazio នៅក្របខណ្ឌ Serie A ប៉ុន្ដែការផ្ទេរមិនអាចសម្រេចទៅបាន។

Lloris បានបង្ហាញខ្លួន៤៤៧ប្រកួតសម្រាប់ Tottenham Hotspur តាំងពីផ្ទេរពីក្លិប Lyon នាឆ្នាំ២០១២ ហើយគេត្រូវបានតែងតាំងជាប្រធានក្រុម Tottenham Hotspur នាឆ្នាំ២០១៥ មុនពេលត្រូវបានដកឱ្យ Heung-Min Son ក្នុងខែសីហា។

សម្រាប់ បច្ចុប្បន្ននេះវិញ Hugo Lloris ជាជម្រើសទី៣ ពីក្រោយអ្នកចាំទី Guglielmo Vicario និង Fraser Forster ហើយគេមិនបានបង្ហាញខ្លួនក្នុងការប្រកួតនោះទេ តាំងពីបរាជ័យ ក្រោមថ្វីជើង Newcastle ដោយលទ្ធផល ៦-១ កាលពីខែមេសា៕

អត្ថបទទាក់ទង