Sevilla ខ្ចីជើងខ្សែបម្រើ Hannibal Mejbri ពី Man UTD ដល់ចប់រដូវកាល

Premier League
January 16th, 2024 (1 year)
365 Views
Share

ក្លិប Sevilla នៅលីគកំពូលអេស្ប៉ាញ បានប្រកាសពីការចុះហត្ថលេខាលើខ្សែបម្រើ Hannibal Mejbri ក្នុងលក្ខខណ្ឌខ្ចីជើងពីក្លិបអង់គ្លេស Manchester United ដល់ចប់រដូវកាល។

កីឡាករវ័យ ២០ ឆ្នាំ បានធ្វើដំណើរទៅចូលរួមលេងឱ្យក្រុមបាល់ទាត់ជម្រើសជាតិទុយនេស៊ី ក្នុងពានរង្វាន់ Africa Cup of Nations ប៉ុន្តែរូបគេបានធានាអនាគតរួចហើយជាមួយក្លិបថ្មី។

យោងតាមរបាយការណ៍របស់ប្រព័ន្ធផ្សព្វផ្សាយនៅអង់គ្លេសឱ្យដឹងថា កិច្ចព្រមព្រៀងនេះរួមបញ្ចូលទាំងជម្រើសក្នុងការទិញផ្តាច់ នៅចុងបញ្ចប់នៃរដូវកាល២០២៣-២៤ ក្នុងតម្លៃ ២០ លានអឺរ៉ូ ខណៈ Man UTD ក៏បានបញ្ចូលលក្ខខណ្ឌអាចទិញកីឡាករត្រឡប់មកវិញបានក្នុងតម្លៃ ៣៥ លានអឺរ៉ូ ដែលមានសុពលភាពរហូតដល់ឆ្នាំ ២០២៦ ។

Hannibal Mejbri បានបង្ហាញខ្លួនចំនួន ១៣ ដងសម្រាប់ក្រុមបិសាចក្រហម ចាប់តាំងពីបង្ហាញខ្លួនលើកដំបូងក្នុងឆ្នាំ ២០២១ ហើយបានចំណាយពេលកាលពីរដូវកាលមុនក្នុងលក្ខខណ្ឌខ្ចីជើងជាមួយក្លិប Birmingham City ផងដែរ។

រូបគេបានលេងឱ្យក្រុមទុយនេស៊ីនៅព្រឹត្តិកាណ៍ FIFA World Cup 2022 និងព្រឹត្តិការណ៍ Arab Cup 2021 ដែលទុយនេស៊ីបានតំណែងរងជើងឯក ហើយខ្លួនគេផ្ទាល់បានជាប់ឈ្មោះជាកីឡាករល្អក្នុងការប្រកួតដល់ទៅ២ដង។

Hannibal Mejbri គឺជាកីឡាករ Man UTD មួយរូបទៀតដែលបានចូលរួមជាមួយ Sevilla បន្ទាប់ពីខ្សែបម្រើ Adnan Januzaj ដែលបានផ្ទេរទៅកាន់ទឹកដី Ramon Sanchez កាលពីឆ្នាំ២០២២៕

អត្ថបទទាក់ទង