Man Utd តែងតាំងនាយកប្រតិបត្តិថ្មី ដែលបានសាងកេរ្តិ៍ឈ្មោះនៅក្រុមគូប្រជែង Man City

Premier League
January 22nd, 2024 (1 year)
567 Views
Share

ក្រុម Manchester United បានតែងតាំងលោក Omar Berrada ជានាយកប្រតិបត្តិថ្មី បន្ទាប់ពីគាត់បានលាលែងពីតំណែងជាប្រធានផ្នែកប្រតិបត្តិការបាល់ទាត់នៅ City Football Group ។

Berrada បានមានកេរ្តិ៍ឈ្មោះបោះសំឡេងនៅជាមួយក្លិប Manchester City ដោយធ្លាប់ជានាយកផ្នែកផ្សព្វផ្សាយរបស់ក្លិប។ បន្ទាប់មកគាត់បានក្លាយជានាយកប្រតិបត្តិការទូទៅ មុនពេលផ្លាស់ទៅតួនាទីជាប្រធានផ្នែកប្រតិបត្តិការបាល់ទាត់។

ក្លិប Manchester United បានប្រកាសថា៖ “វាគឺជាមហិច្ឆតារបស់ Manchester United ដើម្បីប្រែក្លាយជាក្លិបដែលឈ្នះពានសាជាថ្មី”។

ការប្រកាសនេះ គឺបន្ទាប់ពីលោក Richard Arnold បានលាលែងពីតំណែងកាលពីខែវិច្ឆិកា។ ជំនាញរបស់លោក Berrada នៅក្នុងវិស័យកីឡាបាល់ទាត់ ត្រូវបានចាត់ទុកថាជាទ្រព្យសម្បត្តិដ៏សំខាន់។

ចំណែក Man City បានបញ្ជាក់ពីការលាលែងពីតំណែងរបស់ Berrada ថា៖ “ក្លិបមានការយល់ព្រមលើការសម្រេចចិត្តរបស់គាត់ក្នុងការស្វែងរកការប្រកួតប្រជែងថ្មី ហើយគាត់បានចាកចេញជាមួយការអរគុណ និងការជូនពររបស់ពួកយើង”៕

អត្ថបទទាក់ទង