ខ្សែប្រយុទ្ធ Mohamed Salah ត្រូវត្រឡប់ទៅ Liverpool ព្យាបាលរបួសសរសៃពួរ

Premier League
January 23rd, 2024 (12 months)
540 Views
Share

ខ្សែប្រយុទ្ធ Mohamed Salah នឹងត្រូវវិលត្រឡប់ទៅកាន់ក្រុម Liverpool វិញដើម្បីព្យាបាលរបួសសរសៃពួរ ក្រោយពីរូបគេបានរងរបួសនៅក្នុងការប្រកួតទល់ហ្គាណា នៅក្នុងការប្រកួតពានរង្វាន់ African Cup of Nations 2023 នៅក្នុងប្រទេសកូតឌីវ័រ។

បើតាមការប្រកាសរបស់សហព័ន្ធបាល់ទាត់អេហ្ស៊ីប EFA កីឡាករវ័យ៣១ឆ្នាំ ត្រូវព្យាបាលរបួសជាមួយនឹងក្លិប ស្របតាមការស្នើសុំរបស់លោក Jurgen Klopp ដែលជាគ្រូបង្វឹក Liverpool ។ ការស្នើសុំកើតឡើងក្រោយ Liverpool ឈ្នះ Bournemouth ៤-០ នៅក្របខណ្ឌ Premier League។

កាលសប្តាហ៍មុន Salah រងរបួសសរសៃពួរ នៅត្រឹមវគ្គទីមួយ ក្នុងការប្រកួតទល់ហ្គាណា ខណៈពេលក្រុមកំពុងតែនាំមុខ ប៉ុន្តែក្រោយពេលគេជួបប្រទះបញ្ហានេះ ក្រុមហ្គាណា បានស្វែងរកគ្រាប់បាល់ស្មើមកវិញ ដើម្បីបង្អាក់ដំណើរអេហ្ស៊ីប ក្នុងការឈ្នះកៅអីវគ្គ ១៦ក្រុម។

លោក Klopp បានស្នើសុំ Salah វិលត្រឡប់មកកាន់ក្លិបវិញ ដើម្បីព្យាបាលបញ្ហារបួស ក៏ដូចជាធ្វើការងារជាមួយក្រុមគ្រូពេទ្យរបស់ក្លិបដើម្បីអាចអោយរូបគេឆាប់វិលចូលការប្រកួត។

លោក Klopp បានថា “វាជាគម្រោង យ៉ាងណាគេនឹងត្រូវខកខានរយៈពេលវែង វាប្រហែលជាសមហេតុផល ក្នុងការព្យាបាលជាមួយយើង ។ ការព្យាបាលនឹងអាចជួយ Salah ឆាប់ជាសះស្បើយ ប៉ុន្តែមិនធានាសម្រាប់ការអាចវិលត្រឡប់ទៅកាន់ការប្រកួត African Cup of Nations ។”

សូមបញ្ជាក់ថា អេហ្ស៊ីបឈរលេខ ២ មាន ៣ពិន្ទុក្នុងពូល B ហើយពួកគេនឹងចាប់ដៃជាមួយក្រុមកាប់វែ ដែលឈរកំពូលតារាងមាន៧ពិន្ទុ ដើម្បីបន្តឡើងទៅកាន់វគ្គ១៦ក្រុមចុងក្រោយពានរង្វាន់ African Cup of Nations៕

អត្ថបទទាក់ទង