West Ham ពិភាក្សាជាមួយ Man City ដើម្បីខ្ចីជើង Kalvin Phillips

Premier League
January 23rd, 2024 (12 months)
506 Views
Share

West Ham United កំពុងពិភាក្សាជាមួយ Manchester City លើកិច្ចព្រមព្រៀងខ្ចីជើង Kalvin Phillips ហើយសង្ឃឹមថានឹងកិច្ចព្រមព្រៀងមួយនឹងទទួលបានជោគជ័យ នៅសប្តាហ៍នេះ។

Phillips បានទាក់ទាញចំណាប់អារម្មណ៍ពីក្លិបនៅក្របខណ្ឌ Premier League និងក្លិបធំៗនៅអឺរ៉ុប ខណៈរូបគេស្វែងរកពេលវេលាលេងទៀងទាត់ក្នុងការលេងបាល់ទាត់នៅក្នុងរដូវកាលដែលនៅសល់។

អ្នកចាត់ការទូទៅរបស់ក្លិប West Ham លោក David Moyesបាននិងកំពុងជំរុញយ៉ាងខ្លាំងសម្រាប់ការចុះហត្ថលេខាជាមួយ Phillips ដែលត្រូវបានគេយល់ថាបើកចំហចំពោះការផ្លាស់ទៅកាន់ក្លិបនៅភាគខាងកើតទីក្រុងឡុងដ៍។

Newcastle, Crystal Palace និង Fulham ស្ថិតក្នុងចំណោមក្រុម Premier League ដែលបានបង្ហាញចំណាប់អារម្មណ៍យ៉ាងខ្លាំងលើ Phillips ខណៈពេលដែល Juventus និង Atletico Madrid គឺជាក្រុមធំនៅអឺរ៉ុបដែលចង់ចុះហត្ថលេខាជាមួយកីឡាករសញ្ជាតិអង់គ្លេសរូបនេះ។

Man City ត្រូវបានរាយការណ៍ថា បានទាមទារប្រាក់ប្រហែល ៥-៦ លានផោនសម្រាប់ Phillips ដែលបូកនឹងប្រាក់ឈ្នួលរបស់កីឡាករ ១៤ម៉ឺនផោនក្នុងមួយសប្តាហ៍។

គួរបញ្ជាក់ថា Phillips បានស្ថិតក្នុងជម្រើស១១នាក់ដំបូងរបស់ City នៅក្នុងការប្រកួត Premier League បានចំនួនពីរលើកតែប៉ុណ្ណោះ ចាប់តាំងពីផ្ទេរពី Leeds ក្នុងតម្លៃ ៤២ លានផោនកាលពី ១៨ ខែមុន៕

អត្ថបទទាក់ទង