Man City ទិញកីឡាករអាហ្សង់ទីនក្មេងម្នាក់ទៀតពីអតីតក្លិបរបស់ Julian Alvarez

Premier League
January 26th, 2024 (1 year)
622 Views
Share

ក្លិប Manchester City បានចុះហត្ថលេខាជាមួយខ្សែបម្រើអាហ្សង់ទីន Claudio Echeverri របស់ក្លិប River Plate កាលពីពេលថ្មីៗនេះ។

Man City នឹងចំណាយប្រាក់ប្រហែល ១២,៥ លានផោនសម្រាប់ Echeverri ដែលបានចុះហត្ថលេខាលើកិច្ចសន្យារយៈពេល ៤ ឆ្នាំកន្លះ ដែលមានសុពលភាពដល់ឆ្នាំ ២០២៨ ។

កីឡាករវ័យ ១៨ ឆ្នាំ ដែលបានបង្ហាញខ្លួនជាក្រុមឈុតធំចំនួន ៦ ដងសម្រាប់ River Plate នឹងនៅជាមួយក្លិបអាហ្សង់ទីន រហូតដល់ដំណាច់ឆ្នាំ២០២៤ មុននឹងហោះហើរមកកាន់ប្រទេសអង់គ្លេសដើម្បីចូលរួមជាមួយ City ។

City បានយល់ព្រមលើកិច្ចព្រមព្រៀងស្រដៀងគ្នាជាមួយ River Plate សម្រាប់ខ្សែប្រយុទ្ធអាហ្សង់ទីន Julian Alvarez កាលពីខែមករា ឆ្នាំ២០២២ ។

Echeverri គឺជាប្រធានក្រុមរបស់អាហ្សង់ទីននៅក្នុងព្រឹត្តិការណ៍បាល់ទាត់ពិភពលោកកម្រិតអាយុក្រោម១៧ឆ្នាំ កាលពីខែវិច្ឆិកា ហើយបានស៊ុតបញ្ចូលទីបាន១គ្រាប់ ខណៈដែលពួកគេបានយកឈ្នះប្រេស៊ីល ៣-០ ក្នុងវគ្គ៨ក្រុមចុងក្រោយ។ រូបគេរកគ្រាប់បាល់ស៊ុតបញ្ចូលទីបាន ៥ គ្រាប់ ខណៈអាហ្សង់ទីន បានបញ្ចប់ត្រឹមចំណាត់ថ្នាក់លេខ៤៕

អត្ថបទទាក់ទង