Man UTD សម្លឹងឃើញអ្នកចាំទី Jan Oblak របស់ Atletico Madrid ទុកជំនួស Andre Onana

Premier League
January 30th, 2024 (1 year)
478 Views
Share

ក្លិប Manchester United ត្រូវបានគេរាយការណ៍មកថា កំពុងដាក់សំណើផ្តល់ជូនប្រមាណ ៣៨,៥លានផោន សម្រាប់អ្នកចាំទី Jan Oblak របស់ក្លិប Atletico Madrid ដោយក្លិបអង់គ្លេសកំពុងពិចារណាក្នុងការនាំយកអ្នកថ្មីមកជំនួសតំណែងរបស់ Andre Onana។

ជាក់ស្តែង ក្រុមរបស់លោក Erik ten Hag បាននាំយក Onana ពី Inter Milan កាលពីរដូវក្តៅមុន មកជំនួសកន្លែង David de Gea ដែលផុតកុងត្រានៅ Old Trafford ។ តែទោះបីជាយ៉ាងណាក៏ដោយ កីឡាករសញ្ជាតិកាមេរូន ហាក់មិនបានគុណផលលេងឱ្យបានល្អដូចអ្វីដែលបានរំពឹងទុកនោះឡើយ។

សម្រាប់ Jan Oblak ត្រូវបានភ្ជាប់ទំនាក់ទំនងក្នុងការផ្ទេរមកកាន់ក្របខណ្ឌ Premier League ជាយូរមកហើយ ដោយ Man United ជាតែងតែបានដាក់សំណើផ្តល់ជូនដល់កីឡាករសញ្ជាតិស្លូវេនី ជានិច្ច។

ហើយឥឡូវនេះ មានការអះអាងថាក្លិប Atletico Madrid កំពុងមានបំណងបើកចិត្តអនុញ្ញាតឱ្យ Jan Oblak ចាកចេញ នៅក្នុងអំឡុងពេលទីផ្សារដោះដូរកីឡាកររដូវក្តៅខាងមុខនេះ។

របាយការណ៍ដដែលនេះ ក៏បានអះអាងទៀតថា Man United កំពុងដាក់សំណើផ្តល់ជូនជិត ៤០លានផោន ដើម្បីទាក់ទាញឱ្យក្លិបអេស្ប៉ាញយល់ព្រមលើកិច្ចព្រមព្រៀងនេះផងដែរ៕

អត្ថបទទាក់ទង