Chelsea ពិចារណាបញ្ចប់តំណែងលោក Mauricio Pochettino ក្រោយចាញ់ Wolverhampton

Premier League
February 6th, 2024 (11 months)
367 Views
Share

ក្លិបតោខៀវ Chelsea កំពុងតែស្ថិតនៅក្នុងការពិចារណាបញ្ចប់តំណែងគ្រូបង្វឹកលោក Mauricio Pochettino ក្រោយការដឹកនាំក្រុមចាញ់ Wolverhampton Wanderers នៅក្នុងក្របខណ្ឌ Premier League កាលពីពេលកន្លងទៅ។

ជាការពិត Chelsea កំពុងមានបញ្ហាប្រព័ន្ធលេងយ៉ាងខ្លាំង ក្រោមការដឹកនាំរបស់លោក Mauricio Pochettino បន្ទាប់ពីបានចាញ់ ក្រុម Wolves ក្នុងលទ្ធផលដល់ទៅ ៤-២ ឯណោះនៅក្នុងការប្រកួតលើទឹកដី ខ្លួនឯង។

២៣ប្រកួតកន្លងមក តោខៀវ រកបានជ័យជម្នះតែ៩លើកប៉ុណ្ណោះ ដោយក្នុងនោះចាញ់ ១០ ដង និងស្មើ៤ដង ហើយពួកគេកំពុងស្ថិតនៅចំណាត់ថ្នាក់ទី១១ មាន៣១ពិន្ទុ។

គ្រូបង្វឹកសញ្ជាតិអាហ្សង់ទីន សារភាពថាខ្លួនពិតជាដឹកនាំ Chelsea មិនបានល្អមែន ខណៈតំណែងរបស់លោកកំពុងមានភាពរង្គោះរង្គើ។

បើតាមការផ្សាយរបស់សារព័ត៌មានជាច្រើននៅអង់គ្លេស បានរាយការណ៍ថា ក្រោយពីការចាញ់ Wolves នៅកីឡដ្ឋាន Stamford Bridge នេះ Chelsea នឹងកោះហៅសមាជិកក្លិបជួយប្រជុំគ្នា ដើម្បីសម្រេចបញ្ចប់ ឬបន្តតំណែងលោក Pochettino៕

អត្ថបទទាក់ទង