Lisandro Martinez ត្រូវអវត្តមាន ៨សប្ដាហ៍ដោយសាររបួសពេលប៉ះ West Ham

Premier League
February 6th, 2024 (1 year)
487 Views
Share

ខ្សែការពារ Lisandro Martinez របស់ក្រុម Manchester United នឹងអវត្តមានរហូតដល់ខែមេសា បន្ទាប់ពីរងការខូចខាតសរសៃពួរជង្គង់ កំឡុងពេលក្រុមបិសាចក្រហមយកឈ្នះ ៣-០ លើក្រុម West Ham ។

Martinez បានបង្ហាញការឈឺចាប់ បន្ទាប់ពីព្យាយាមការពារបាល់ពីខ្សែការពារVladimir Coufal។ កីឡាករវ័យ ២៦ ឆ្នាំរូបនេះ បានបង្ហាញខ្លួនក្នុងការប្រកួតលីគតែ ៣ដងប៉ុណ្ណោះក្នុងរដូវកាលនេះ បន្ទាប់ពីបានសម្រាកអស់រយៈពេលជាង ៣ ខែដោយមានរបួសជើង។

ក្លិបបានបញ្ជាក់ថា សម្រាប់របួសដែលតម្រូវឱ្យសម្រាក ៨សប្ដាហ៍នេះ មិនទាមទារការវះកាត់ទេ។

Martinez បានជួបបញ្ហារបួសមុនកាលពីចុងរដូវកាល ២០២២-២៣ ក្នុងខែមេសា ហើយរបួសកាន់តែធ្ងន់ធ្ងរនៅដើមរដូវកាលនេះ។ រូបគេបានខកខានការប្រកួតសរុបចំនួន ២២ ប្រកួត មុនពេលត្រលប់មកប្រកួតជាមួយនឹងក្រុម Tottenham Hotspur កាលពីថ្ងៃទី១៤ ខែមករា៕

អត្ថបទទាក់ទង