លោក Jose Mourinho ថា ខ្លួនត្រូវបានគេក្បត់ រហូតរបូតតំណែងនៅ AS Roma

Premier League
February 12th, 2024 (1 year)
1798 Views
Share

លោក Jose Mourinho បានប្រគល់ចិញ្ចៀនពិសេសមួយត្រឡប់ទៅវិញ និងបន្សល់ទុកសំបុត្រលាគ្នាដ៏ជូរចត់ដល់ក្រុមកីឡាកររបស់ Roma បន្ទាប់ពីទទួលបានអារម្មណ៍ថាសមាជិកកីឡាករបានក្បត់ខ្លួន ហើយត្រូវបានបណ្តេញចេញ។

បុរសសញ្ជាតិព័រទុយហ្គាល់ វ័យ ៦១ឆ្នាំ បានបាត់បង់ការងារនៅ Roma កាលពីខែមករា បន្ទាប់ពីដឹកនាំក្រុមទទួលបានលទ្ធផលមិនល្អ ក្នុងក្របខណ្ឌ Serie A។

បើតាមការផ្សាយរបស់កាសែតអ៊ីតាលី II Messaggero លោក Jose Mourinho បានផ្ញើចិញ្ចៀនដែលជាអំណោយពីសំណាក់កីឡាករ ក្រោយពេលឈ្នះពាន UEFA Europa Conference League ក្នុងឆ្នាំ២០២២ ត្រឡប់ទៅវិញ។ លោក Mourinho បានទុកចិញ្ចៀននោះនៅក្នុងតុរបស់ប្រធានក្រុម Lorenzo Pellegrini បន្ទាប់ពីត្រូវបណ្តេញចេញនៅថ្ងៃទី១៦ ខែមករា។

គ្រូបង្វឹករហស្សនាម Special One បានទុកលិខិតលាគ្នាមួយបន្ថែមផងដែរ ដោយសរសេរដូច្នេះថា៖ “នៅ ពេលដែលអ្នកក្លាយជាបុរសពិត សូមផ្តល់វាត្រឡប់មកកាន់ខ្ញុំវិញ។”

ការសរសេរខ្លឹមសារខ្លីនោះ ហាក់បង្ហាញពីអារម្មណ៍ដែលលោកត្រូវបានក្បត់ដោយកីឡាករ ដែលបង្ហាញទម្រង់លេងខ្សោយ ហើយជាហេតុផលមួយដែលនាំឱ្យលោកបាត់តំណែង។

Roma នៅចំណាត់ថ្នាក់លេខ៩ មុនពេល Mourinho ត្រូវបណ្តេញចេញ ហើយបច្ចុប្បន្នវីរបុរសក្លិប Daniele de Rossi បានចូលកាន់តំណែងជំនួស ហើយដឹកនាំក្រុមឈ្នះ ៣ប្រកួតជាប់ៗគ្នា ជំរុញឱ្យក្រុមឡើងដល់ចំណាត់ថ្នាក់លេខ៥ វិញ។

លោក Jose Mourinho បានចូលរួមជាមួយនឹង Roma ក្នុងឆ្នាំ២០២១ ជាមួយកិច្ចសន្យារយៈពេល៣ឆ្នាំ ហើយបានជួយ Roma ឈ្នះពាន UEFA Europa Conference League ក្នុងឆ្នាំ២០២១-២០២២ ដែលជាពានរង្វាន់អឺរ៉ុបលើកដំបូង។ រដូវកាលបន្ទាប់ លោកដឹកនាំ Roma ឡើងដល់វគ្គផ្តាច់ព្រ័ត្រ UEFA Europa League តែបានត្រឹមចំណាត់ថ្នាក់លេខ២។

តាមរយៈពេលការផ្សាយរបស់ Daily Mail បានបង្ហើបថាលោក Mourinho មានបំណងចង់វិលត្រលប់ទៅកាន់ Man UTD វិញ ដោយប្រភពដ៏ជិតស្និទ្ធបានអះអាងថា លោកនៅមិនទាន់បញ្ចប់ការងាររបស់លោកនៅឡើយទេ ចាប់តាំងពីចាកចេញក្នុងឆ្នាំ២០១៨៕

អត្ថបទទាក់ទង