ខ្សែបម្រើ Jude Bellingham ថា ការដាក់បម្រាម២ប្រកួតរបស់គេគឺដើម្បីគម្រាមកីឡាករដទៃ

Premier League
March 11th, 2024 (1 year)
505 Views
Share

ខ្សែបម្រើ Jude Bellingham របស់ Real Madrid បានប្រត្តិកម្មចំពោះការដាក់ពិន័យ ២ប្រកួតរបស់ខ្លួននាក្របខណ្ឌ La Liga ដោយអះអាងថាព្រោះតែគេជាកីឡាករចំណូលថ្មីនៅលីគអេស្ប៉ាញ ទើបក្រុមអាជ្ញាកណ្តាល យកធ្វើជាឧទាហរណ៍ដើម្បីគម្រាមកីឡាករដទៃទៀត។

កីឡាករអង់គ្លេស វ័យ ២០ឆ្នាំ បានរងបម្រាម ២ប្រកួត ពីគណៈកម្មាធិការវិន័យក្របខណ្ឌ La Liga បន្ទាប់គេទទួលបានកាត់ក្រហមនៅក្នុងការប្រកួតស្មើ ២-២ ទល់នឹងក្រុម Valencia កាលពីសប្តាហ៍មុន ចំពោះការតវ៉ាទាមទារគ្រាប់បាល់បញ្ចូលទីក្រោយពេលអាជ្ញាកណ្តាលការប្រកួតបានផ្លុំបញ្ចែបញ្ចប់ការប្រកួតជាមុន។

Bellingham បានប្រើអាកប្បកិរិយាមិនសមរម្យលើអាជ្ញាកណ្តាល និងនិយាយដោយប្រើពាក្យមិនល្អ ដដែលៗសំដៅទាមទារគ្រាប់បាល់ជ័យជំនះពីអាជ្ញាកណ្តាល។

ទាក់ទិននឹងរឿងនេះ Bellingham បាននិយាយប្រាប់ថា៖ “វាពិតជាពិបាកក្នុងការនិយាយ ព្រោះថាពាក្យបណ្តឹងឧទ្ធរណ៍កំពុងតែដំណើរការ។ អ្វីដែលខ្ញុំអាចនិយាយបានគឺរឿងដែលកើតឡើងជាមួយនឹងការសម្រេចចិត្តរបស់អាជ្ញាកណ្តាលដែលផ្លុំកញ្ចែបញ្ចប់ការប្រកួត។ ខ្ញុំមិនបាននិយាយប្រមាថទេ។ ពេលខ្លះខ្ញុំអារម្មណ៍ដូចជាអ្នកចំណូលថ្មី សម្រាប់ពួកគេយកធ្វើជាគំរូ ហើយ ខ្ញុំត្រូវទទួលខុសត្រូវចំពោះទង្វើរបស់ខ្ញុំ។”

ចំពោះបម្រាម ២ប្រកួត មានន័យថា Jude Bellingham ត្រូវខកខានការប្រកួតដែល Real Madrid ឈ្នះ Celta Vigo ៤-០ កាលពីយប់មិញ និង ការប្រកួតទល់នឹងក្រុម Osasuna នៅថ្ងៃទី១៦ ខែមីនា ខាងមុខ។

កាលពីថ្ងៃទី៦ ខែមីនា Jude Bellingham បានចូលលេងក្នុងជំនួប Real Madrid ស្មើដោយលទ្ធផល ១-១ ទល់នឹងក្រុម RB Leipzig ហើយរូបគេបានបញ្ជូនបាល់យ៉ាងល្អទៅកាន់មិត្តរួមក្រុម Vinicius Junior ដើម្បីស៊ុតបញ្ចូលទី និងរក្សាបានកៅអីទៅវគ្គ ៨ក្រុម ចុងក្រោយ នៃពានរង្វាន់ UEFA Champions League៕

អត្ថបទទាក់ទង