លោក Maurizio Sarri បដិសេធសំណើមកដឹកនាំក្លិប Nottingham Forest

Premier League
March 27th, 2024 (12 months)
369 Views
Share

ប្រភពពីសារព័ត៌មាន Dailymail នៅអង់គ្លេសបានធ្វើការរាយការណ៍ថា លោក Maurizio Sarri បានបដិសេធសំណើ ដើម្បីក្លាយជាគ្រូបង្វឹកថ្មីរបស់ក្លិប Nottingham Forest បន្ទាប់ពីបានប្រកាសចែកផ្លូវគ្នា ជាមួយក្លិប Lazio កាលពីដើមខែនេះ។

ជាក់ស្តែង អតីតគ្រូបង្វឹក Chelsea និង Juventus បានសម្រេចចិត្តលាលែងពីតំណែង ជាគ្រូបង្វឹក Lazio ដែលស្ថិតនៅក្របខណ្ឌ Serie A ក្រោយរងបរាជ័យក្នុងការប្រកួតក្នុងដីខ្លួនឯង ទល់នឹងក្រុម Udinese កាលពីថ្ងៃទី១១ ខែមីនា។

លោក Maurizio Sarri ដែលបានលើកពាន Serie A កាលពីឆ្នាំ ២០២០ ជាមួយ Juventus និងឈ្នះពាន UEFA Europa League ជាមួយ Chelsea ក្នុងឆ្នាំ ២០១៩ បានមកជំនួសតំណែងលោក Simone Inzaghi ជាគ្រូបង្វឹក Lazio ក្នុងឆ្នាំ ២០២១ និងបានដឹកនាំ ក្លិបមួយនេះ បញ្ចប់ការប្រកួតក្របខណ្ឌ Serie A ក្នុងចំណាត់ថ្នាក់លេខ២កាលពីរដូវកាលមុន ដែលជាចំណាត់ថ្នាក់ល្អបំផុតរបស់ពួកគេ ចាប់តាំងពីការប្រកួតលីគឆ្នាំ ១៩៩៩-២០០០ មក។

យ៉ាងណាមិញ នៅតែប៉ុន្មានថ្ងៃបន្ទាប់ពីការលាលែងពីតំណែងពីតំណែង ក្លិប Nottingham Forest នៅក្របខណ្ឌ Premier League បានទាក់ទងមកកាន់លោក Sarri ដើម្បីផ្តល់ជូនសំណើកុងត្រារយៈពេល ៣ឆ្នាំ សម្រាប់មកដឹកនាំជំនួសតំណែងរបស់លោក Nuno Espirito Santo ។

យ៉ាងណាក៏ដោយ លោក Sarri បានបិសេធសំណើនេះភ្លាមៗ ដោយលោកគ្រោងនឹងចំណាយពេលសម្រាកពីបាល់ទាត់មួយរយៈ ដោយសារតែលោកបានចំណាយពេលជិត ១២ឆ្នាំជាប់ៗគ្នាហើយ ក្នុងអាជីពជាគ្រូបង្វឹកនេះ ចាប់តាំងពីរូបលោកបានចូលកាន់តំណែងក្នុងក្លិប Empoli ក្នុងឆ្នាំ២០១២។

សម្រាប់ Nottingham Forest បច្ចុប្បន្នកំពុងមានរឿងរ៉ាវក្តីក្តាំងកាត់ពិន្ទុពីស្ថាប័ន Premier League ដោយការបំពានច្បាប់ ចំណាយផ្នែកហិរញ្ញវត្ថុ ដែលធ្វើឱ្យពួកគេធ្លាក់ទៅកាន់ចំណាត់ថ្នាក់លេខ១៨ តំបន់កាត់ចោល មាន២១ពិន្ទុឃ្លាត១ពិន្ទុពីតំបន់សុវត្ថិភាព។ បន្ថែមពីនេះ លទ្ធផលដឹកនាំមិនសូវល្អរបស់លោក Nuno Espirito Santo បានធ្វើឱ្យក្លិបចាប់ផ្តើមស្វែងរកគ្រូបង្វឹកថ្មី ដោយស្រោចស្រង់ស្ថានការណ៍ដែលពួកគេកំពុងជួបប្រទះ៕

អត្ថបទទាក់ទង