ខ្សែបម្រើ Declan Rice ថាលេងជាមួយ Kobbie Mainoo ជួយឱ្យខ្លួនងាយស្រួល

Premier League
March 27th, 2024 (12 months)
732 Views
Share

ខ្សែបម្រើ Declan Rice របស់ក្រុម Arsenal បាននិយាយពីកីឡាករវ័យក្មេងរបស់ Manchester United ពោលគឺ Kobbie Maino មុនពេលការបង្ហាញខ្លួនជាលើកដំបូងរបស់គេ សម្រាប់ក្រុមជម្រើសជាតិអង់គ្លេសកាលពីយប់មិញ។

Kobbie Mainoo ដែលមានវ័យ ១៨ឆ្នាំ ទទួលបានឱកាសលេងជម្រើស១១នាក់ដំបូងសម្រាប់អង់គ្លេស ទល់នឹងក្រុមបែលហ្ស៊ិក ដែលបញ្ចប់ដោយលទ្ធផល ២-២ ។

Rice បាននិយាយថា៖ “ខ្ញុំគិតថាពួកយើងបានហ្វឹកហាត់ជាមួយគ្នាយ៉ាងល្អ។
ពួកយើងបានសន្ទនាគ្នាបន្តិចបន្តួចកាលពីម្សិលមិញអំពីការលេងនៅជិតគ្នា និងរក្សាបាល់ ព្រោះគេជាកីឡាករដែលចូលចិត្តលេងបែបនេះ។ គេចង់រក្សាបាល់នៅកន្លែងចង្អៀត ហើយចង់បញ្ជូនបាល់។

Rice បន្ថែមថា៖ “ការមានមិត្តរួមក្រុមបែបនោះនៅក្បែរ តែងតែជួយខ្ញុំ។ ដូច្នេះគាត់មានអាយុ ១៨ ឆ្នាំ វាជាការចាប់ផ្តើមដំបូងរបស់គាត់។ គាត់នឹងមានអាជីពដ៏ធំមួយ ប៉ុន្តែសូមឱ្យគាត់រីករាយសម្រាប់យប់នេះ”។

Youri Tielemans បានបើកការនាំមុខសម្រាប់បែលហ្ស៊ិក នៅកីឡដ្ឋាន Wembley បន្ទាប់ពីកំហុសបង្កដោយការផ្ដាច់បាល់ពីមុខទីរបស់អ្នកចាំទី Jordan Pickford ។ ប៉ុន្តែ Ivan Toney បានតាមស្មើវិញ ពីការស៊ុតបាល់ប៉េណាល់ទី នៅវគ្គទីមួយ។

អង់គ្លេសបានបង្កកំហុសដោយ Lewis Dunk បាននាំឱ្យ Tielemans ស៊ុតបាល់បញ្ចូលទីគ្រាប់ទីពីរ។ ប៉ុន្តែនៅនាទីបន្ថែមវគ្គទីពីរ កីឡាករ Jude Bellingham រកបានគ្រាប់បាល់តាមស្មើសម្រាប់ក្រុមអង់គ្លេស។ ទោះជាយ៉ាងណា ក្រោយចប់ការប្រកួត Kobbie Mainoo ទទួលបាន Man of The Match ជាលើកដំបូង ក្នុងការបង្ហាញខ្លួនជាលើកទីពីរសម្រាប់អង់គ្លេស៕

អត្ថបទទាក់ទង