ការប្រកួតដ៏ធំ Man City Vs Arsenal ផ្សាយបន្តផ្ទាល់នៅ MyTV តើក្រុមណានឹងរកបាន៣ពិន្ទុនៅថ្ងៃអាទិត្យនេះ?

Premier League
March 29th, 2024 (12 months)
969 Views
Share

បន្ទាប់ពីការសម្រាកអន្តរជាតិបានបញ្ចប់ ក្រុម Manchester City នឹងត្រលប់ទៅការប្រកួតក្របខណ្ឌ Premier League សប្ដាហ៍ទី៣០ ដោយទទួលក្រុម Arsenal នៅកីឡដ្ឋាន Etihad នៅក្នុងជំនួបដ៏សំខាន់ ដែល CBS នឹងផ្សាយបន្តផ្ទាល់នៅលើកញ្ចក់ទូរទស្សន៍ MyTV នៅថ្ងៃអាទិត្យ ទី៣១ ខែមីនា ចាប់ពីម៉ោង ១០:២៥ នាទីយប់តទៅ។

ការប្រកួតនេះ អាចមានឥទ្ធិពលយ៉ាងខ្លាំងក្នុងការប្រជែងពានរង្វាន់ Premier League ក្នុងរដូវកាល២០២៣-២៤។ ដោយខុសគ្នាតែមួយពិន្ទុ រវាងក្រុម Arsenal, Liverpool និង Manchester City នៅលើកំពូលតារាង Premier League ការជួបគ្នារវាង Man City និង Arsenal គឺជាឱកាសសម្រាប់ក្រុមទាំងពីរក្នុងការដណ្តើមពានផងដែរ។

Manchester City មានការព្រួយបារម្ភពីបញ្ហារបួសជាច្រើន អំឡុងពេលសម្រាកអន្តរជាតិថ្មីៗនេះ។ John Stones, Kyle Walker, Manuel Akanji, និង Matheus Nunes សុទ្ធតែមានការព្រួយបារម្ភអំពីរបួសពេលលេងឱ្យប្រទេសរបស់ពួកគេ។ Kevin De Bruyne, Jack Grealish និង Ederson បានខកខានការប្រកួតអន្តរជាតិចុងក្រោយដោយសាររបួស។ មានព័ត៌មានវិជ្ជមានសម្រាប់ Manchester City ថា Kevin De Bruyne និង Jack Grealish បានត្រលប់មកហ្វឹកហាត់នៅសប្តាហ៍នេះមុនការប្រកួតថ្ងៃអាទិត្យ។

ចំណែក Arsenal មានកីឡាករជាច្រើនអាចមិនបានចូលលេង។ Bukayo Saka និង Gabriel Magalhaes បានដកខ្លួនពីកាតព្វកិច្ចអន្តរជាតិ ត្រូវបានគេយល់ឃើញថាជាវិធានការប្រុងប្រយ័ត្នតែប៉ុណ្ណោះ។ Jurrien Timber ត្រូវអវត្តមានពេញមួយរដូវកាលដោយសាររបួស ACL ខណៈ Gabriel Martinelli បានអវត្តមានពីរប្រកួតកន្លងមករបស់ Arsenal ដោយសាររបួសជើង។

ប្រវត្តិជួបគ្នា ៥ប្រកួតចុងក្រោយនៅគ្រប់កម្មវិធីប្រកួតទាំងអស់ Man City ឈ្នះ ៣ ដង Arsenal ឈ្នះម្ដង និងស្មើគ្នាម្ដង។ ប្រកួតចុងក្រោយ Arsenal ឈ្នះ Man City ១-០ ។

នេះអាចជាជម្រើស១១នាក់ដំបូងរបស់ Man City ដែលអាចប្រើប្រាស់ទម្រង់ ៤-២-៣-១ ៖

Stefan Ortega, Rico Lewis, Ruben Dias, Josko Gvardiol, Nathan Ake, Rodri, Mateo Kovacic, Bernardo Silva, Phil Foden, Kevin De Bruyne, Erling Haaland

នេះអាចជាជម្រើស១១នាក់ដំបូងរបស់ Arsenal ដែលអាចប្រើប្រាស់ទម្រង់ ៤-៣-៣ ៖

David Raya, Ben White, William Saliba, Gabriel, Kiwior, Declan Rice, Jorginho, Martin Odegaard, Gabriel Jesus, Kai Havertz, Bukayo Saka

CBS Sports ទស្សន៍ទាយថាលទ្ធផលរវាងក្រុមទាំងពីរគឺ Man City ២-២ Arsenal ៕

ការផ្សាយបន្តផ្ទាល់សម្រាប់ការប្រកួត Premier League នៅសប្តាហ៍ទី 30 ចុងសប្ដាហ៍នេះ៖
Newcastle vs West Ham I សៅរ៍ 30 មីនា ម៉ោង 07:25 នាទីយប់ នៅ CNC
Chelsea vs Burnley I សៅរ៍ 30 មីនា ម៉ោង 09:55 នាទីយប់ នៅ MyTV
Liverpool vs Brighton I អាទិត្យ 31 មីនា ម៉ោង 07:55 នាទីយប់ នៅ CTN
Man City vs Arsenal I អាទិត្យ 31 មីនា ម៉ោង 10:25 នាទីយប់ នៅ MyTV

អត្ថបទទាក់ទង