ខ្សែប្រយុទ្ធ Timo Werner ចង់បន្តលេងឱ្យ Tottenham Hotspur ខណៈកិច្ចសន្យាខ្ចីជើងជិតបញ្ចប់

Premier League
April 9th, 2024 (2 years)
727 Views
Share

ខ្សែប្រយុទ្ធ Timo Werner បាននិយាយថា រូបគេពេញចិត្តនឹងនៅបន្តលេងឱ្យក្លិប Tottenham Hotspur តទៀត ខណៈកុងត្រាខ្ចីជើងពីក្លិប RB Leipzig នឹងត្រូវបញ្ចប់នៅថ្ងៃទី៣០ ខែមិថុនា ឆ្នាំ២០២៤ខាងមុខនេះ។

Werner ជាកីឡាកររបស់ Leipzig ដែលត្រូវបាន Spurs ខ្ចីជើងកាលពីដើមឆ្នាំ២០២៤នេះ ជាមួយនឹងលក្ខខណ្ឌដែលអាចមានសិទ្ធិទិញយកបានក្នុងតម្លៃ ១៧លានអ៊ឺរ៉ូ។

ក្រោយមកលេងនៅទីនេះបានជាង៣ខែ Werner ក៏បានថ្លែងប្រាប់អ្នកសារព័ត៌មានថា៖ ” ខ្ញុំពិតជាពេញចិត្តនឹងលេងនៅទីនេះខ្លាំងមែនទែន។ ពេញចិត្តជាមួយការលេងជាមួយក្រុមមួយនេះ មិត្តរួមក្រុម និងទីលានមួយនេះ។ ខ្ញុំពិតជាស្រលាញ់ទីនេះណាស់”។

កីឡាករវ័យ២៨ឆ្នាំ ធ្លាប់មានឈ្មោះបោះសំឡេងខ្លាំងកាលពីនៅលេងឱ្យក្លិប Leipzig កាលពីឆ្នាំ២០១៦ ដល់ឆ្នាំ២០២០ ដោយកាលពីគេចូលលេងការប្រកួតសរុប ១៥៩ប្រកួតនិងស៊ុតចូល ៩៥គ្រាប់។
បន្ទាប់មករូបគេក៏ផ្លាស់ទៅកាន់ក្លិប Chelsea ពីឆ្នាំ២០២០-២០២២ ប៉ុន្តែក្នុងពេលកំឡុងពេលលេងឱ្យក្លិបតោខៀវ រូបគេមិនទទួលបានលទ្ធផលល្អនោះទេ ព្រោះតែគេមានបញ្ហាខ្លាំងក្នុងការបញ្ចប់ទី ក្រោយមកគេក៏បានផ្លាស់ទៅកាន់ RB Lepzig វិញហើយក៏ត្រូវបាន Spurs ខ្ចីជើងក្នុងឆ្នាំនេះ។

រយៈពេលជិត៣ខែកន្លងទៅនេះ Timo Werner បានបង្ហាញខ្លួនឱ្យ Spurs បាន១២ប្រកួតហើយដោយស៊ុតចូលបាន២គ្រាប់។ នៅខណៈនេះ រូបគេរង់ចាំឱ្យ Tottenham Hotspur សម្រេចចិត្តក្នុងនាំយកគេជាកីឡាករពេញសិទ្ធិក្នុងរដូវកាលខាងមុខ៕

អត្ថបទទាក់ទង