Salah ជាគោលដៅរបស់ក្លិបមកពីអារ៉ាប៊ីសាអ៊ូឌីត ក្នុងតម្លៃ ៧០លានផោន នៅរដូវក្ដៅខាងមុខ

Premier League
April 9th, 2024 (1 year)
647 Views
Share

សេចក្ដីរាយការណ៍មួយបានឱ្យដឹងថា ក្លិបមួយនៅប្រទេសអារ៉ាប៊ីសាអ៊ូឌីតកំពុងត្រៀម ៧០លានផោនសម្រាប់សំណើនាំយកខ្សែប្រយុទ្ធ Mohamed Salah ទៅចូលរួមក្របខណ្ឌ Saudi Pro League នៅក្នុងទីផ្សារដោះដូរកីឡាករនាចុងរដូវកាលនេះ។

តារាបាល់ទាត់អេហ្ស៊ីបរួបនេះ កំពុងខិតជិតដល់រយៈពេល ១២ ខែចុងក្រោយនៃកិច្ចសន្យារបស់ខ្លួននៅកីឡដ្ឋាន Anfield ហើយត្រូវបានក្លិបនានាក្នុងក្របខណ្ឌកំពូលរបស់អារ៉ាប៊ីសាអ៊ូឌីត ពេញចិត្តយ៉ាងខ្លាំង។

យោងតាមសារព័ត៌មាន TalkSport កីឡាករវ័យ ៣១ ឆ្នាំរូបនេះត្រូវបានក្លិប Al Ittihad ទាក់ទង ជាមួយនឹងតម្លៃ ៧០លានផោនត្រៀមដាក់សំណើជូន Liverpool ។ ទោះជាយ៉ាងណា Al Hilal ដែលមានតារាឆ្នើមប្រេស៊ីល Neymar ក៏បានបង្ហាញការចាប់អារម្មណ៍ផងដែរ។

កិច្ចសន្យារយៈពេល ៣ ឆ្នាំ នឹងផ្ដល់ជូន Salah ដែលធ្វើឱ្យគេនឹងក្លាយជាអ្នករកប្រាក់ចំណូលបានច្រើនជាងគេរបស់ Saudi Pro League ។

ការចាកចាញរបស់អ្នកចាត់ការទូទៅ Jurgen Klopp ត្រូវបានរាយការណ៍ថា អាចជាកត្តាមួយជំរុញឱ្យកីឡាករ Liverpool ស្វែងរកទ្រនំថ្មីផងដែរ។ បច្ចុប្បន្ន អតីតមិត្តរួមក្រុមរបស់ Salah ពោលគឺ Jordan Henderson កំពុងលេងឱ្យក្រុម Al Ettifaq បន្ទាប់ពីផ្ទេរពីក្រុមហង្សក្រហមបានរយៈពេលជិត ៦ ខែ៕

អត្ថបទទាក់ទង