West Ham មិនមាន Jarrod Bowen សម្រាប់ជើងទី១វគ្គ៨ក្រុម Europa League ទល់នឹង Bayern Leverkusen យប់នេះ

Premier League
April 11th, 2024 (5 months)
398 Views
Share

ខ្សែប្រយុទ្ធ Jarrod Bowen នឹងអវត្តមានពីការប្រកួតជើងទី១ វគ្គ៨ក្រុមចុងក្រោយ ក្របខណ្ឌ Europa League របស់ West Ham ទល់នឹង Bayer Leverkusen នៅប្រទេសអាល្លឺម៉ង់ នាយប់នេះ ដោយសាររបួសជង្គង់។

ខ្សែប្រយុទ្ធដែលស៊ុតបញ្ចូលទីបាន ១៩ គ្រាប់ក្នុងរដូវកាលនេះ បានរងរបួសពេលប៉ះ Wolves កាលពីថ្ងៃសៅរ៍ ហើយក៏អាចនឹងខកខានការប្រកួតជើងទី២ នាសប្ដាហ៍ក្រោយផងដែរ។

លោក David Moyes គ្រូបង្វឹក West Ham បានឱ្យដឹងថា៖ “Jarrod មិននៅជាមួយយើងទេ។ គេបានភ្លាត់ជង្គង់ ហើយមានបញ្ហាប៉ះពាល់” ។
យើងមិនអាចផ្តល់កាលបរិច្ឆេទណាមួយអំពីពេលដែលគេអាចនឹងត្រលប់មកវិញទេ”។

Bowen ដែលបានប្ដូរចេញនៅនាទីទី៥៤ កំឡុងពេលទទួលជ័យជម្នះលើក្រុម Wolves ជាកីឡាករសំខាន់សម្រាប់ West Ham ក្នុងរដូវកាលនេះ។ ខ្សែបម្រើ Edson Alvarez របស់ West Ham ត្រូវបានព្យួរ ខណៈខ្សែបម្រើ Kalvin Phillips និងអ្នកចាំទី Alphonse Areola ក៏នឹងអវត្តមានដោយសាររបួស សម្រាប់ការប្រកួតជាមួយក្រុមកំពូលតារាងនៃក្របខណ្ឌអាល្លឺម៉ង់ Bundesliga, Bayern Leverkusen ។

Leverkusen មាន ១៦ ពិន្ទុនាំមុខគេក្នុងក្របខណ្ឌ Bundesliga ដែលនៅសល់ ៦ ប្រកួតទៀតដើម្បីបញ្ចប់រដូវកាលជាមួយនឹងពានរង្វាន់លីគកំពូលអាល្លឺម៉ង់ជាលើកដំបូងផងដែរ។ ពួកគេមិនទាន់ស្គាល់ពាក្យថាចាញ់ឡើយក្នុង ៤១ ប្រកួតនៅគ្រប់កម្មវិធីប្រកួតទាំងអស់ក្នុងរដូវកាលនេះ៕

អត្ថបទទាក់ទង