Arsenal ពិនិត្យស្ថានភាពរបស់ Odegaard និង Saka មុនប៉ះ Bayern Munich យប់នេះ

Premier League
April 17th, 2024 (2 weeks)
256 Views
Share

Martin Odegaardប្រធានក្រុម Arsenal និងខ្សែប្រយុទ្ធ Bukayo Saka នឹងត្រូវបានវាយតម្លៃមុនពេលការប្រកួតជើងទី២ វគ្គ៨ក្រុមចុងក្រោយ ពានរង្វាន់ Champions League ទល់នឹងក្រុម Bayern Munich ។ នេះបើតាមការបញ្ជាក់របស់អ្នកចាត់ការ Mikel Arteta ។

Odegaard ត្រូវបានប្ដូរចេញពេលនៅសល់ ១០ នាទី នៅក្នុងការបរាជ័យរបស់ Arsenal ទល់នឹង Aston Villa កាលពីថ្ងៃអាទិត្យ ខណៈពេលដែល Saka ត្រូវបានគេមើលឃើញថា មានបញ្ហាបន្តិចនៅចុងបញ្ចប់នៃការប្រកួត។

បើតាម Arteta បានឱ្យដឹងថា៖ “យើងនឹងវាយតម្លៃពួកគេនៅថ្ងៃស្អែក ហើយមើលថាតើពួកគេយ៉ាងម៉េច។”

Arsenal និង Bayern Munich បានស្មើជើងទីមួយ ក្នុងលទ្ធផល ២-២ នៅទីក្រុងឡុងដ៍ កាលពីសប្ដាហ៍មុន។ ក្រុមកាំភ្លើងធំសង្ឃឹមថានឹងឈានដល់វគ្គពាក់កណ្តាលផ្តាច់ព្រ័ត្រនៃក្របខណ្ឌ Champions League ជាលើកដំបូងក្នុងរយៈពេល ១៥ ឆ្នាំ។

Bayern ឈានដល់វគ្គពាក់កណ្តាលផ្តាច់ព្រ័ត្រ នៅពេលដែលពួកគេបានឈ្នះពានរង្វាន់ Champions League កាលពីឆ្នាំ២០២០។

Arteta បានបន្ថែមថា៖ “ឱកាសគឺនៅនឹងមុខដើម្បីបង្កើតប្រវត្តិសាស្រ្តរបស់ពួកយើង។ វាគឺអំពីការបង្ហាញនូវទម្រង់លេងដ៏រឹងមាំ ដើម្បីមានសិទ្ធិឡើងទៅកាន់វគ្គពាក់កណ្តាលផ្តាច់ព្រ័ត្រ”។

ការប្រកួតមួយគូទៀត គឺការជួបគ្នារវាង Manchester City និង Real Madrid ដែលស្មើគ្នា ៣-៣ កាលពីជើងទីមួយ នៅប្រទេសអេស្ប៉ាញ។

ក្រុមចំនួន ២ ដែលបានឈានទៅវគ្គពាក់កណ្ដាលផ្ដាច់ព្រ័ត្រ និងត្រូវជួបគ្នានៅវគ្គបន្ទាប់ គឺ PSG ដែលយកឈ្នះ Barcelona ដោយលទ្ធផល ៦-៤ និង Dortmund ដែលឈ្នះ Atl. Madrid ៥-៤ សរុបទាំងពីរជើង វគ្គ៨ក្រុមចុងក្រោយ៕

អត្ថបទទាក់ទង