Chelsea ថ្កោលទោសការរើសអើងពូជសាសន៍ប្រឆាំងនឹង Nicolas Jackson

Premier League
April 23rd, 2024 (9 months)
357 Views
Share

ក្រុម Chelsea បានឱ្យដឹងថា ពួកគេស្អប់ខ្ពើមចំពោះការរើសអើងពូជសាសន៍ដែលសំដៅទៅលើ Nicolas Jackson តាមរយៈប្រព័ន្ធផ្សព្វផ្សាយសង្គម បន្ទាប់ពីការបរាជ័យក្នុងវគ្គពាក់កណ្តាលផ្តាច់ព្រ័ត្រ FA Cup របស់ពួកគេទល់នឹងក្រុម Manchester City កាលពីថ្ងៃសៅរ៍។

ក្រុមរបស់លោក Mauricio Pochettino បានចាញ់ក្រុម Man City ក្នុងលទ្ធផល ១-០ នៅកីឡដ្ឋាន Wembley ក្នុងការប្រកួតដែល Jackson បានខកខានឱកាសល្អចំនួនបីដង។

សេចក្តីថ្លែងការណ៍របស់ Chelsea បាននិយាយថា៖ “មិនត្រូវមានការរើសអើងណាមួយឡើយនៅក្នុងសង្គម ហើយយើងមិនអត់ឱនជាដាច់ខាតចំពោះឧប្បត្តិហេតុទាំងឡាយណាដែលទាក់ទងនឹងការរើសអើង” ។

“ក្លិបនឹងគាំទ្រការកាត់ទោសឧក្រិដ្ឋកម្មណាមួយ ហើយចាត់វិធានការយ៉ាងម៉ឺងម៉ាត់ដែលអាចធ្វើទៅបាន រួមទាំងការហាមប្រាម ប្រឆាំងនឹងបុគ្គលណាដែលត្រូវបានរកឃើញថាជាអ្នកកាន់សំបុត្ររដូវកាល ឬសមាជិក”។

ខ្សែប្រយុទ្ធសញ្ជាតិសេណេហ្គាល់ Jackson អាយុ ២២ ឆ្នាំបានចូលរួមជាមួយ Chelsea ពីក្លិបអេស្ប៉ាញ Villarreal កាលពីរដូវក្តៅមុន។ រូបគេរកបាន ១៣ គ្រាប់នៅរដូវកាលនេះ ក្នុងនោះ ១០គ្រាប់រកបាននៅក្របខណ្ឌ Premier League ៕

អត្ថបទទាក់ទង