Man City ទិញបានកីឡាករទី១ ពីក្លិបបារាំង Troyes ក្នុងកិច្ចសន្យារយៈពេល៥ឆ្នាំ

Premier League
July 19th, 2024 (10 months)
749 Views
Share

Man City បាននាំយកខ្សែបម្រើ Savinho ពីក្លិបបារាំង Troyes ជាមួយនឹងកិច្ចសន្យារយៈពេល៥ឆ្នាំ។ នេះបើតាមការប្រកាសអោយដឹងពីក្លិបនៅក្របខណ្ឌ Premier League។

Savinho ជាកីឡាកររបស់ក្លិប Troyes នៅលីគទី២បារាំង ប៉ុន្តែត្រូវបានខ្ចីជើងទៅកាន់ក្លិប Girona ហើយបានបង្ហាញខ្លួន ៣៧ដង ស៊ុតបាន ៩ ដើម្បីជួយក្លិបនេះបញ្ចប់ចំណាត់ថ្នាក់លេខ៣នៅក្របខណ្ឌ La Liga 2023-24។

ឥឡូវ Man City បានសម្រេចចុះកុងត្រាយកកីឡាករប្រេស៊ីល វ័យ ២០ឆ្នាំ ក្នុងតម្លៃ៤០លានអឺរ៉ូ ដែលមានសុពលភាពកុងត្រារហូតដល់ឆ្នាំ២០២៩ ។

Savinho បានចាប់ផ្ដើមបាល់ទាត់អាជីពក្នុងកំឡុងឆ្នាំ២០២០ ដល់ ២០២២ ជាមួយក្លិបប្រេស៊ីល Atletco Minei ro មុនមកចូលរួមក្លិប Troyes នៅឆ្នាំ ២០២២ ។

ចូលរួមជាមួយក្លិប Troyes មែន ប៉ុន្តែគេមិនដែលបានបង្ហាញខ្លួនលើទីលានជាមួយក្លិបទេ ដោយត្រូវបានខ្ចីជើងទៅកាន់ក្លិបហូឡង់ PSV Eindhoven ក្នុងរដូវកាល២០២២-២៣។

លេងអោយ PSV Eindhoven បានត្រឹម៨ប្រកួត គេក៏ត្រូវបានខ្ចីជើងបន្តទៅកាន់ក្លិប Girona នារដូវកាល២០២៣-២៤។

បន្ទាប់ពីបង្ហាញទម្រង់លេងបានល្អ គេក៏ត្រូវបានជម្រើសជាតិប្រេស៊ីលកោះហៅអោយជាប់ជម្រើសជាតិជាលើកដំបូង និងបានចូលលេងពាន Copa America 2024 ហើយរកបាន១គ្រាប់ក្នុងជំនួបទល់ ប៉ារ៉ាហ្គាយ វគ្គជម្រុះក្នុងពូលផងដែរ។

Savinho គឺជាកីឡាករទី១ ដែល Man City បានទិញយកក្នុងទីផ្សារដោះដូរកីឡាករនៅរដូវក្តៅនេះ៕

អត្ថបទទាក់ទង