
ខ្សែការពារ Matthijs de Ligt និង Noussair Mazraoui របស់ Bayern Munich បានធ្វើដំណើរទៅកាន់ចក្រភពអង់គ្លេសកាលពីព្រឹកថ្ងៃចន្ទ ដើម្បីបញ្ចប់ការផ្ទេររបស់ពួកគេទៅកាន់ Manchester United នៅមុនរដូវកាលថ្មីនៃក្របខណ្ឌ Premier League ។
Man Utd បានយល់ព្រមលើតម្លៃ ៤៥ លានអឺរ៉ូ ជាមួយ Bayern សម្រាប់ De Ligt ។ រូបគេក៏នឹងចូលរួមជាមួយមិត្តរួមក្រុម Mazraoui ដែល Man Utd និង Bayern បានយល់ព្រមលើតម្លៃ ២០ លានអឺរ៉ូ។ ទាំង De Ligt និង Mazraoui ត្រូវបានគេឃើញនៅឯអាកាសយានដ្ឋាន Munich កាលពីព្រឹកថ្ងៃចន្ទ មុនពេលហោះហើរទៅកាន់ទីក្រុង Manchester ។
De Ligt និង Mazraoui អាចនឹងបង្ហាញខ្លួននៅក្នុងការប្រកួតបើកឆាក Premier League របស់ Man Utd ទល់នឹង Fulham នៅចុងសប្ដាហ៍នេះផងដែរ៕