ខ្សែការពារ Matthijs de Ligt ទទួលបានអាវលេខ៤ សម្រាប់ការលេងជាមួយ Man UTD

Premier League
August 15th, 2024 (2 months)
194 Views
Share

ក្រោយបំពេញការចុះហត្ថលេខានាំយកខ្សែការពារ Matthijs de Ligt ពីក្លិប Bayern Munich រួចរាល់ក្លិប Man UTD បានសម្រេចផ្តល់លេខស្លាកលេខ៤ សម្រាប់រូបគេជាកាដូ ត្រៀមបន្តបើកទំព័រអាជីពថ្មីនៅទឹកដីអង់គ្លេស។

អាវលេខ៤នេះធ្លាប់ត្រូវបានពាក់ដោយអតីតកីឡាករលេងខ្ចីជើង កាលពីរដូវកាលមុន របស់ក្លិប Fiorentina គឺ Sofyan Amrabat ខណៈអតីតកីឡាករដែលមិនមានក្លិបលេងបច្ចុប្បន្នមានវ័យ ៣២ឆ្នាំ Phil Jones ក៏ធ្លាប់កាន់កាប់អាវស្លាកលេខ ៤មួយនេះអំឡុងឆ្នាំ២០១១ រហូតដល់ពេលរូបគេបានចាកចេញពីក្លិបនៅឆ្នាំ២០២៣ ក្រោយចាយពេល១២ឆ្នាំនៅទឹកដី Old Trafford។

ឥឡូវនេះ Matthijs de Ligt ដែលទើបតែឈានដល់វ័យ២៥ឆ្នាំ កាលពីថ្ងៃចន្ទ ក៏នឹងពាក់អាវលេខ៤ សម្រាប់ការបង្ហាញខ្លួនជាមួយ Man UTD ដែរ។

កីឡាករអន្តរជាតិហូឡង់ Matthijs de Ligt ក៏ធ្លាប់ពាក់អាវស្លាកលេខ ៤នេះដែរកំលុងពេល រូបគេ លេងនៅក្លិប Bayern Munich និងក្លិប Juventus ។

សូមបញ្ជាក់ថា Matthijs de Ligt បានចុះកិច្ចសន្យាជាមួយ Man UTD រយៈពេល៥ឆ្នាំ ពោលគឺនៅដល់ឆ្នាំ២០២៩ ដោយមានតម្លៃផ្ទេរប្រមាណ ៣៨,៥ លានផោន បូករួមថ្លៃចំណាយនានា ៤,៣ លានផោនទៀត។
រូបគេគឺជាកីឡាករទី៣ ដែល Man UTD បាននាំចូលពីទីផ្សារដោះដូរកីឡាករនៅរដូវក្តៅនេះ៕

អត្ថបទទាក់ទង