CBS ផ្សាយបន្តផ្ទាល់ព្រឹត្តិការណ៍ eFOOTBALL MOBILE ដែលជំរុញដល់ការអភិវឌ្ឍកីឡាអេឡិចត្រូនិកសម្រាប់ស្ត្រីនៅតំបន់អាស៊ីកណ្ដាល

E-Sports
August 16th, 2024 (2 months)
400 Views
Share

ក្រុមហ៊ុន CBS ដែលជាផ្នែកមួយរបស់ រ៉ូយ៉ាល់គ្រុប នឹងផ្សាយបន្តផ្ទាល់នូវព្រឹត្តិការណ៍កីឡាអេឡិចត្រូនិក វិញ្ញាសា eFootball Mobile រៀបចំដោយសហព័ន្ធកីឡាអេឡិចត្រូនិកអាស៊ី (AESF) ជាលើកទី២ នៃព្រឹត្តិការណ៍ Your Home Your Arena Charity Cup 2024 ដែលនឹងប្រព្រឹត្តទៅចាប់ពីថ្ងៃទី១៧ ដល់ ១៨ ខែសីហា ឆ្នាំ២០២៤។

ក្នុងព្រឹត្តិការណ៍នេះ ប្រិយមិត្តដែលចូលចិត្តវិស័យកីឡាអេឡិចត្រូនិក នឹងបានទស្សនាការប្រកួតប្រជែងរវាងកីឡាករមកពីប្រទេសចំនួន ៥ មកពីអាស៊ីកណ្តាលចូលរួម ដូចជា អ៊ីរ៉ង់ កាហ្សាក់ស្ថាន កៀហ្ស៊ីស៊ីស្ថាន តូមិននីស្ថាន និងអ៊ូសបេគីស្ថាន។

ព្រឹត្តិការណ៍នេះ មានបំណងលើកកម្ពស់សមភាពយែនឌ័រ ធានាឱ្យមានស្ត្រីកាន់តែច្រើនឡើងនៅក្នុងសហគមន៍កីឡាអេឡិចត្រូនិក នៅអាស៊ីកណ្តាល។

ព្រឹត្តិការណ៍នេះ នឹងរៃអង្គាសថវិកាដើម្បីប្រគល់ជូនប្រទេសដែលចូលរួម ដើម្បីប្រើប្រាស់សម្រាប់ការអភិវឌ្ឍកីឡាអេឡិចត្រូនិកសម្រាប់ស្ត្រី និងកម្មវិធីសហគមន៍នានា។

CBS នឹងផ្សាយបន្តផ្ទាល់នៅលើកញ្ចក់ទូរទស្សន៍ MyTV, ទូរទស្សន៍ CNC និង LIVE នៅលើហ្វេសប៊ុកផេកផ្លូវការ CNC Sports នៅថ្ងៃសៅរ៍ និងថ្ងៃអាទិត្យ (ទី១៧-១៨) សប្តាហ៍នេះ ចាប់ពីម៉ោង ៤រសៀលតទៅ៕

អត្ថបទទាក់ទង

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស