Liverpool ផ្អាកគម្រោងទិញខ្សែបម្រើ Johan Bakayoko ពី PSV Eindhoven

Premier League
August 19th, 2024 (2 months)
222 Views
Share

យោងតាមប្រភពសារព័ត៌មាន Football Insider បានរាយការណ៍អោយដឹងថា ក្លិប Liverpool នឹងមិនមានម្រោងធ្វើការទិញយកខ្សែប្រយុទ្ធ Johan Bakayoko របស់ក្លិប PSV Eindhoven មករួមក្រុម មុនពេលទីផ្សារដោះដូរកីឡាករបិទបញ្ចប់នោះទេ បើទោះបីមានការចាប់អារម្មណ៍រូបគេខ្លាំងក៏ដោយ។

អ្នកនាំពាក្យ ក្លិប Liverpool លោក Pete O’Rourke បានអោយដឹងថា ក្លិបហង្សក្រហម បានតាមសម្លឹងមើលការអភិវឌ្ឈរបស់កីឡាករ Johan Bakayoko ចាប់តាំងពីខែមករា ហើយមានការពេញចិត្តចំពោះគុណផលរបស់រូបគេ។

យ៉ាងណាមិញ ក្លិបបានសម្រេចផ្អាកគម្រោងទិញយក កីឡាករបែលហ្ស៊ីក វ័យ២១ ឆ្នាំ ក៏ព្រោះតែក្លិបអាណាព្យាបាលរបស់គេគឺក្លិប PSV បានទាមទារនូវទឹកប្រាក់ដេញថ្លៃប្រមាណ ៣៥លានផោន ដោយតម្លៃនេះ Liverpool មិនអាចទទួលយកបាននោះឡើយ។

ប៉ុន្តែ ប្រសិនបើ ខ្សែប្រយុទ្ធ Mohammed Salah ត្រូវចាកចេញពីទឹកដី Anfield មិនថាឆ្នាំនេះ ឬ ឆ្នាំក្រោយនោះទេ នោះក្លិប Liverpool នឹងធ្វើការសម្រេចចិត្តនាំយក Johan Bakayoko មកជំនួសកន្លែងរបស់ កីឡាករអេហ្ស៊ីប។ បន្ថែមពីនេះ ការលក់ខ្សែបម្រើ Fabio Carvalho ទៅកាន់ក្លិប Brentford អាចធ្វើអោយពួកគេមានលទ្ធភាពគ្រប់គ្រាន់ក្នុងការពិចារណានាំយក Johan Bakayoko មកចូលរួមក្លិប។

Johan Bakayoko បានទាក់ទាញចំណាប់អារម្មណ៍ពីក្លិបធំៗជាច្រើននៅតំបន់អឺរ៉ុប ក្រោយពីការបង្ហាញទម្រង់លេងល្អជាមួយ PSV Eindhoven ដោយបង្ហាញខ្លួន ៨៦ដង ស៊ុតបាន២២គ្រាប់ ដែលធ្វើអោយរូបគេ ទទួលបានតំណែងមួយនៅក្នុងក្រុមជម្រើសជាតិបែលហ្ស៊ីក ក្នុងការប្រកួតព្រឹត្តិការណ៍ UEFA Euro 2024 កាលពីពេលកន្លងទៅ៕

អត្ថបទទាក់ទង