Brighton ទទួលជោគជ័យការនាំចូល ខ្សែប្រយុទ្ធ Georginio Rutter ពី Leeds United

Premier League
August 20th, 2024 (2 months)
184 Views
Share

ក្លិប Brighton នៅក្របខណ្ឌ Premier League បានទទួលជោគជ័យទៅលើការទិញយកខ្សែប្រយុទ្ធ Georginio Rutter ពីក្លិប Leeds United នៅក្របខណ្ឌ Championship។

កីឡាករ បារាំង បានផ្លាស់មកកាន់ទឹកដី Falmer Stadium ដោយចុះកុងត្រារយៈពេល៥ឆ្នាំ ជាមួយតម្លៃផ្ទេរ ៤០លានផោន។

Georginio Rutter បានបង្ហាញខ្លួន ៦៦ដង ស៊ុតបាន៨គ្រាប់ អោយ Leeds United ក្រោយផ្លាស់មកពី ក្លិបអាល្លឺម៉ង់ Hoffenheim នៅខែមករា ឆ្នាំ២០២៣ ជាមួយតម្លៃផ្ទេរកំណត់ត្រារបស់ក្លិប ៣៦លានផោន។

សម្រាប់ការនាំយក កីឡាករ វ័យ ២២ ឆ្នាំ មកចូលរួមក្លិបបានសម្រេច នាយកផ្នែកកីឡាក្លិប Brighton លោក David Weir បានអោយដឹងថា កីឡាកររូបនេះមានគុណផលតាមការចង់បានរបស់ក្លិប ហើយពួកគេបានស្វែងរកកីឡាករបែបនេះមួយរយៈមកហើយ។

Georginio Rutter បានលេងអោយ Leeds United នៅក្នុងការប្រកួតបើកឆាកក្របខណ្ឌទី២អង់គ្លេស Championship ដោយស្មើ ៣-៣ ទល់នឹងក្រុម Portsmouth រួមនឹងការប្រកួតចាញ់ Middlesbrough ៣-០ នៅក្នុងជំនួបជុំទី១ ពានរង្វាន់ EFL Cup។

ដោយឡែក ក្រុម Brighton បានចាប់ផ្តើមការប្រកួតបើកឆាកក្របខណ្ឌ Premier League 2024-25 របស់ខ្លួនដោយបានឈ្នះក្រុម Everton ៣-០។ ការប្រកួតជាបន្ត Brighton នឹងត្រូវស្វាគមន៍ក្រុម Manchester United នៅថ្ងៃទី២៤ ខែសីហាខាងមុខ៕

អត្ថបទទាក់ទង