Man City យល់ព្រមលក់ខ្សែការពារ Joao Cancelo ទៅកាន់ក្លិបនៅអារ៉ាប៊ីសាអូឌីត

Premier League
August 27th, 2024 (2 months)
206 Views
Share

ក្លិបនៅលីគកំពូលអង់គ្លេស Man City បានយល់ព្រមលក់ខ្សែការពារ Joao Cancelo ទៅកាន់ក្លិប Al-Hilal នៅលីគកំពូលអារ៉ាប៊ីសាអូឌីត។

ភាគីក្លិបទាំង២ បានសម្រេចទៅលើការផ្ទេរកីឡាករព័រទុយហ្កាល់ វ័យ៣០ឆ្នាំ ក្នុងតម្លៃ ២១,២ លានផោន។ យ៉ាងណា រវាងភាគីក្លិបអារ៉ាប៊ីសាអូឌីត និង សាមីកីឡាករ មិនទាន់មានការចរចាគ្នា ដាច់ណាត់ទេ។

ប្រសិនបើ Joao Cancelo យល់ព្រមក្នុងការផ្លាស់ទៅកាន់ក្លិប Al-Hilal នោះរូបគេ អាចនឹងចុះកិច្ចសន្យារយៈពេល៣ឆ្នាំ។

កន្លងទៅ គ្រូបង្វឹក Man City លោក Pep Guardiola បាននិយាយថា លោកនឹងប្រើប្រាស់ Joao Cancelo នៅក្នុងគម្រោងរបស់លោកឡើងវិញ ប៉ុន្តែមែនទែនទៅ រូបគេ មិនទាន់បានបង្ហាញខ្លួនអោយក្រុមមេឃខៀវឡើយ បន្ទាប់ពីចំណាយពេល ១៨ខែលេងជាកីឡាករខ្ចីជើង អោយក្លិបអាល្លឺម៉ង់ Bayern Munich និង Barcelona។ តួយ៉ាង ការប្រកួតបើកឆាកក្របខណ្ឌ Premier League 2024-25 ២ប្រកួតដំបូងមិនមានឈ្មោះរបស់ Joao Cancelo នៅក្នុងក្រុមដែរ។

Joao Cancelo ធ្លាប់ជាកីឡាករជម្រើសដំបូងរបស់លោក Pep Guardiola ប៉ុន្តែ រូបគេបានបាត់បង់កៅអីរបស់ខ្លួន ក្រោយពីចុះកិច្ចសន្យាថ្មីនៅក្នុងឆ្នាំ២០២២។

សូមបញ្ជាក់ថា Joao Cancelo បានមកចូលរួមជាមួយ Man City ក្រោយចាកចេញពី ក្លិបអ៊ីតាលី Juventus នៅក្នុងខែសីហា ឆ្នាំ២០១៩។ រូបគេបានបង្ហាញខ្លួនអោយ Man City ចំនួន ១៥៤ប្រកួត ស៊ុតបាន៩គ្រាប់ នៅគ្រប់កម្មវិធី និងបានរួមចំណែកឈ្នះពានរង្វាន់ Premier League ៣ដង FA Cup ១ដង និង EFL Cup ១ដង ផងដែរ៕

អត្ថបទទាក់ទង