Brighton ទិញបានខ្សែបម្រើ Matt O’Riley ពី Celtic តម្លៃ២៥លានផោន

Premier League
August 27th, 2024 (2 months)
154 Views
Share

ក្លិបអង់គ្លេស Brighton បានទិញយក ខ្សែបម្រើ Matt O’Riley ពីក្លិបស្កុតឡេន Celtic ក្នុងតម្លៃ២៥លានផោន។

កីឡាករដាណឺម៉ាក បានចុះកិច្ចសន្យាលេងនាកីឡដ្ឋាន Falmer Stadium រយៈពេល៥ឆ្នាំ ពោលគឺរហូតដល់ឆ្នាំ ២០២៩។

Matt O’Riley បានស៊ុត ២៧គ្រាប់ ពីការបង្ហាញខ្លួន ១២៤ប្រកួត សម្រាប់ Celtic និងបានរួមចំណែក ឈ្នះពានរង្វាន់ចំនួន៦ ដែលមានពានរង្វាន់ Scottish Premiership ៣ដង Scottish Cup ២ដង និង Scottish League Cup ១ដង។

នៅក្នុងការមកចូលរួមជាមួយក្លិប Brighton នេះដែរ កីឡាករ វ័យ២៣ឆ្នាំ បានបង្ហាញពីអារម្មណ៍រីករាយថា “ខ្ញុំពិតជាមានភាពរីករាយ។ វាមានការតានតឹងបន្តិចក្នុងប៉ុន្មានសប្តាហ៍ចុងក្រោយនេះ ប្រសិនបើខ្ញុំនិយាយដោយស្មោះត្រង់ ព្រោះខ្ញុំគិតថាការពិភាក្សាបានបន្តអស់រយៈពេលពីរខែមកហើយ ប៉ុន្តែខ្ញុំពិតជារីករាយណាស់ដែលបានមកក្លិបថ្មីនៅពេលនេះ។”

ដោយឡែក គ្រូបង្វឹក Brighton លោក Fabian Hurzeler បាននិយាយទាក់ទងនឹងការនាំចូល Matt O’Riley ថា រូបគេមានសមត្ថភាពពិសេស ហើយអាចជួយក្រុមទទួលលទ្ធផលល្អ។

Matt O’Riley គឺជាកីឡាករទី៧ដែលបានមកចូលរួមជាមួយ ក្លិប Brighton នៅទីផ្សារដោះដូររដូវក្តៅនេះ បន្ទាប់ពីការមកដល់របស់ Georginio Rutter ផ្ទេរមកពី Leeds United, Brajan Gruda ផ្ទេរមកពី Mainz 05, Malick Yalcouyé ផ្ទេរមកពី IFK Göteborg, Amario Cozier-Duberry ផ្ទេរមកពី Arsenal, Mats Wieffer ផ្ទេរមកពី Feyenoord និង Yankuba Minteh ផ្ទេរមកពី Newcastle United។

ដោយឡែក Brighton បានបង្ហាញការលេងបានល្អនៅ២ប្រកួតដំបូងរបស់ខ្លួននៅក្របខណ្ឌ Premier League 2024-25 ដោយបានឈ្នះ Everton ៣-០ និង ឈ្នះ Manchester United ២-១ ដែលធ្វើអោយពួកគេ មាន៦ពិន្ទុ និងកំពុងឈរលេខ២ នៅតារាងពិន្ទុផងដែរ៕

អត្ថបទទាក់ទង