ខ្សែបម្រើ Manuel Ugarte មកពិនិត្យសុខភាពនៅ Man UTD

Premier League
August 30th, 2024 (2 months)
199 Views
Share

ខ្សែបម្រើ Manuel Ugarte កំពុងពិនិត្យសុខភាពដើម្បីត្រៀមចូលរួមជាផ្លូវការជាមួយក្លិប Manchester United។ នេះបើតាមការផ្សព្វផ្សាយពីសារព័ត៌មាន BBC។

ទាំង Manchester United និង Paris Saint Germain បានឯកភាពគ្នារឿងតម្លៃផ្ទេរហើយ នោះគឺ ៤២,៣ លានផោន បូករួមថ្លៃចំណាយផ្សេងៗ ៨,៥ លានផោនទៀត។ កីឡាករសញ្ជាតិអ៊ុយរ៉ាហ្គាយ នឹងចុះកុងត្រារយៈពេល ៥ ឆ្នាំជាមួយ ដើម្បីលេងនាទឹកដី Old Trafford។

Manchester United បានចំណាយពេលជាង ២ ខែ ដើម្បីផ្ទេរបានសម្រេចកីឡាករវ័យ ២៣ ឆ្នាំ។ តាមពិតទៅ Ugarte ចង់មកលេងអោយ Manchester United យូរមកហើយ តែបញ្ហាតម្លៃផ្ទេរ ដែលនាំអោយមានការអូសបន្លាយពេលវេលាដ៏យូរបែបនេះ។

ការនាំចូល Manuel Ugarte ធ្វើឡើងស្របពេល Manchester United បានសម្រេចផ្ទេរចេញ ខ្សែបម្រើវ័យ ២៦ ឆ្នាំ Scott McTominay ទៅអោយ Napoli ។

Ugarte បានបង្ហាញទម្រង់លេងយ៉ាងល្អអោយ Paris Saint Germain ។ កាលពីរដូវកាលកន្លងទៅ កីឡាករលេងសរុបចំនួន ៣៧ ប្រកួត។

នារដូវកាលដោះដូរនេះ Manchester United ហាក់មានភាពសកម្មយ៉ាងខ្លាំង ដោយបានទើបនាំចូលកីឡាករក្មេងៗ និងកំពុងមានទម្រង់លេងល្អ។ Manchester United បាននាំយក ខ្សែប្រយុទ្ធសញ្ជាតិហុល្លង់វ័យ ២៣ ឆ្នាំ Joshua Zirkzee ផ្ទេរមកពី Bologna ខ្សែការពារបារាំងវ័យ ១៨ ឆ្នាំ Leny Yoro ផ្ទេរមកពី Lille ខ្សែការពារហុល្លង់វ័យ ២៥ ឆ្នាំ Matthjis de Ligt និងខ្សែការពារស្លាបម៉ារ៉ុក ២៦ ឆ្នាំ Noussair Mazraoui ផ្ទេរមកពី Bayern Munich ៕

អត្ថបទទាក់ទង