ខ្សែបម្រើ Angelo Gabriel ចាកចេញពី Chelsea ទៅលេងអោយ Al-Nassr

Premier League
September 4th, 2024 (1 month)
160 Views
Share

សារព័ត៌មាន BBC បានរាយការណ៍អោយដឹងថា ខ្សែបម្រើ Angelo Gabriel បានសម្រេចចាកចេញពីក្លិប Chelsea ទៅលេងអោយក្លិប Al-Nassr នៅលីគកំពូលអារ៉ាប៊ីសាអូឌីត។

មែនទែនទៅ កីឡាករប្រេស៊ីល មិនដែលបានបង្ហាញខ្លួនសូម្បីតែ១ដង អោយក្លិបតោខៀវចាប់តាំងពីផ្លាស់មកពីក្លិបប្រេស៊ីល Santos នៅ ខែកក្កដា ឆ្នាំ ២០២៣ តម្លៃ ១៣លានផោន។

កាលពីរដូវកាល ២០២៣-២៤ កីឡាករ វ័យ១៩ឆ្នាំ បានទៅលេងជាកីឡាករខ្ចីជើងអោយក្លិប បារាំង Racing Straßburg ជាទីដែលរូបគេបានបង្ហាញខ្លួនបានចំនួន ២៤ប្រកួតគ្រប់កម្មវិធី។

ឥឡូវនេះ ក្លិប Al Nassr បានសម្រេចនាំយក Angelo Gabriel មកចូលរួមជាមួយពួកគេ ដោយការទិញយកនេះគឺ នៅក្នុងនាទីចុងក្រោយនៃទីផ្សារដោះដូរកីឡាករនៅអង់គ្លេស ក្រោយការបង្ហាញ ការតាំងចិត្តយ៉ាងខ្លាំងពីសំណាក់ក្លិប Chelsea និងក្លិប Al Nassr សម្រាប់កុងត្រានេះ ។

ក្លិប Al Nassr បានផ្តល់តម្លៃខ្លួន Angelo Gabriel ប្រមាណជា ១៩,១ លានផោន ដែលនឹងធ្វើអោយ រូបគេ នឹងមានឳកាសបង្ហាញ ខ្លួននៅតំបន់ប្រយុទ្ធជួរមុខ ជាមួយនឹងខ្សែប្រយុទ្ធ Cristiano Ronaldo និង Sadio Mane ផងដែរ។

នៅខែតុលា ឆ្នាំ ២០២០ Angelo Gabriel បានបង្កើតកំណត់ត្រាមួយកាលលេងអោយក្លិបនៅស្រុកកំណើត គឺរូបគេបានក្លាយជាកីឡាករមានវ័យក្មេងជាងគេ ដោយមានវ័យត្រឹមតែ ១៥ឆ្នាំ ៣០៨ថ្ងៃ ដែលបានបង្ហាញខ្លួនក្នុងការប្រកួតលីគកំពូលប្រេស៊ីល ពេល Santos ប្រកួតទល់នឹង Fluminense នៅកីឡដ្ឋាន Maracana៕

អត្ថបទទាក់ទង