កីឡាករទាំង ១០រូបក្នុងក្របខណ្ឌ Premier League ត្រូវស្ថិតក្នុងបញ្ជី Top 30 សម្រាប់បេក្ខភាពពាន Ballon d’Or

Premier League
September 6th, 2024 (1 month)
260 Views
Share

កីឡាករ១០នាក់នៅក្របខណ្ឌ Premier League ត្រូវបានជ្រើសរើសសម្រាប់បញ្ជីបេក្ខភាពឈ្នះពានរង្វាន់ Ballon d’Or ឆ្នាំ ២០២៤។

សរុបមក ក្លិប Premier League ចំនួន ៤ មានកីឡាករយ៉ាងហោចណាស់ម្នាក់សម្រាប់ពានរង្វាន់នេះ បន្ទាប់ពីបញ្ជីសម្រាំងចំនួន ៣០ នាក់ត្រូវបានបង្ហាញកាលពីថ្ងៃពុធ។

Arsenal និង Manchester City នាំមុខគេដោយមានបេក្ខភាពចំនួន ៤ រូបគឺ Martin Odegaard, Declan Rice, William Saliba និង Bukayo Saka មកពីក្រុមកាំភ្លើងធំ ជាមួយនឹង Ruben Dias, Phil Foden Erling Haaland និង Rodri មកពីក្លិបជើងឯក Premier League បច្ចុប្បន្ន Man City ។

តារាឆ្នើមរបស់ Chelsea កីឡាករ Cole Palmer ក៏ស្ថិតក្នុងបញ្ជីសម្រាំងផងដែរ រួមជាមួយនឹងអ្នកចាំទី Emiliano Martinez របស់ Aston Villa ។

កីឡាករ Premier League ដែលឈ្នះពានរង្វាន់នេះ រួមមាន Michael Owen របស់ Liverpool ក្នុងឆ្នាំ២០០១ និង Cristiano Ronaldo របស់ Manchester United ក្នុងឆ្នាំ២០០៨។ អ្នកឈ្នះនឹងត្រូវប្រកាសក្នុងពិធីមួយនៅថ្ងៃទី២៨ ខែតុលា នៅ Theatre du Chatelet ក្នុងទីក្រុងប៉ារីស៕

អត្ថបទទាក់ទង