ខ្សែប្រយុទ្ធ Rodrygo ខកចិត្តក្រោយមិនជាប់ឈ្មោះក្នុងបញ្ជីប្រជែងពាន Ballon D’or

Premier League
September 6th, 2024 (1 month)
199 Views
Share

ខ្សែប្រយុទ្ធ Rodrygo បានបង្ហាញភាពខកចិត្តក្រោយពីមិនជាប់ឈ្មោះក្នុងបញ្ជីរាយនាមបេក្ខភាពបឋម ៣០នាក់ ដែលអាចឈ្នះពាន Ballon D’or នៅក្នុងឆ្នាំ២០២៤នេះ។

បញ្ជីរាយនាមបេក្ខជន ដែលអាចឈ្នះពាន Ballon D’or ឆ្នាំ២០២៤ ត្រូវបានបញ្ចេញ ដោយកីឡាករឆ្នើមៗរបស់ Real Madrid ជាច្រើនរូប សុទ្ធតែមានមុខនៅក្នុងបញ្ជីមួយនេះដូចជា Vinicius Junior, Jude Bellingham, Dani Carvjal, Toni Kroos, Antoino Rudiger និង Fede Valverde ខណៈ Rodrygo មិនមានឈ្មោះក្នុងបញ្ជីមួយនេះទេ។

ក្រោយមិនបានជាប់ឈ្មោះក្នុងបញ្ជីបេក្ខភាពបឋម ៣០នាក់ ដែលអាចឈ្នះពាន Ballon D’or កីឡាករប្រេស៊ីល ក៏បានធ្វើការបង្ហោះនៅលើបណ្ដាញដោយបង្ហាញពីភាពខកចិត្តរបស់ខ្លួន
ជាក់ស្តែង Rodrygo បានបង្ហោះរូបភាព ដែលជួយអោយ Real Madrid ឈ្នះពាន La Liga និង Champions League កាលពីរដូវកាលមុន ដោយរូបភាពនេះ សាមីកីឡាករចង់បង្ហាញ ពីភាពងឿងឆ្ងល់ដែលមិនមានឈ្មោះរបស់គេ បើទោះជាកីឡាករវ័យ២៣ឆ្នាំ បានបញ្ចេញសមត្ថភាពជួយក្រុមឈ្នះពានរង្វាន់នានាជាច្រើនក៏ដោយ។

សូមបញ្ជាក់ដែរថា Rodrygo ជា កីឡាករមួយដ៏សំខាន់ចំពោះ Real Madrid ដោយកាលពីរដូវកាលមុន ចូលលេងបាន ៥១ប្រកួត និងស៊ុតចូល ១៧គ្រាប់ ហើយបានឈ្នះពាន La Liga, Supercopa de España, UEFA Champions League និង UEFA Super Cup។

ក្រៅពី Rodrygo ហើយ កីឡាករឆ្នើមៗជាច្រើនរូបដែលធ្លាប់ឈ្នះពានរង្វាន់ Ballon D’or ដូចជា Lionel Messi, Cristiano Ronaldo, Karim Benzema និង Luka Modric ក៏មិនមានឈ្មោះក្នុងបញ្ជីឈ្នះពានរង្វាន់នៅឆ្នាំ២០២៤នេះដែរ។

ដោយឡែក កីឡាករចំនួន៦រូប ដែលបានជួយក្រុមអង់គ្លេសឡើងដល់វគ្គផ្តាច់ព្រ័ត្រ UEFA Euro 2024 បានមានឈ្មោះ ក្នុងបញ្ជីបឋមនេះ ដែលរួមមាន Harry Kane, Jude Bellingham, Phil Foden, Declan Rice, Bukayo Saka និង Cole Palmer ។ ខ្សែបម្រើវ័យ១៧ឆ្នាំ Lamine Yamal ដែលជួយក្រុមអេស្ប៉ាញ ឈ្នះជើងឯក UEFA Euro 2024 និងកំពុងទទួលបានការចាប់អារម្មណ៍ខ្លាំងនោះ ក៏មានឈ្មោះ បញ្ជីបឋមបេក្ខភាព ៣០នាក់ ដើម្បីឈ្នះពាន Ballon d’Or 2024 ផងដែរ។

ចំណែកឯ Kobbie Mainoo និង Alejandro Garnacho របស់ក្លិប Man UTD ស្ថិតបញ្ជីប្រជែងពានកីឡាករឆ្នើមវ័យក្មេង Kopa Trophy អ្នកចាំទី Emiliano Martinez របស់ ក្លិប Aston Villa ស្ថិតក្នុងបញ្ជីប្រជែងពានអ្នកចាំទីឆ្នើម Yashin Trophy ហើយលោក Pep Guardiola ជាបេក្ខភាពនាំមុខគេ ឈ្នះពានគ្រូបង្វឹកឆ្នើម។ ការប្រកាសពីអ្នកឈ្នះពានរង្វាន់ទាំងអស់នឹងធ្វើឡើងនៅថ្ងៃទី ២៨ ខែតុលា ខាងមុខនាទីក្រុងប៉ារីសប្រទេសបារាំង៕

អត្ថបទទាក់ទង