Martin Odegaard របួសកជើង បង្កក្ដីបារម្ភសម្រាប់ Arsenal មុនប៉ះ Tottenham ដែល CBS ផ្សាយបន្តផ្ទាល់ការប្រកួតនេះ

Premier League
September 10th, 2024 (1 month)
257 Views
Share

Martin Odegaard ប្រធានក្រុម Arsenal បានរងរបួសកជើង អំឡុងពេលការប្រកួតរបស់ក្រុមជម្រើសជាតិន័រវេស ទល់នឹង អូទ្រីស ក្នុងក្របខណ្ឌ UEFA Nations League ។

វេជ្ជបណ្ឌិតរបស់ក្រុមជម្រើសជាតិន័រវេស បានបញ្ជាក់ថា Odegaard របួសកជើងស្រាលតែប៉ុណ្ណោះ។ យ៉ាងណាមិញ គ្រូបង្វឹករបស់ន័រវេស លោក Stale Solbakken បានបង្ហាញក្ដីបារម្ភពីស្ថានភាពរបួសដែលហាក់ដូចជាមានសភាពធ្ងន់ធ្ងរ ក្រោយការប្រកួត។

Arsenal នឹងត្រូវជួប Tottenham នៅថ្ងៃអាទិត្យ សប្ដាហ៍នេះ ក្នុងការប្រកួតសប្ដាហ៍ទី៤ នៃក្របខណ្ឌ Premier League នឹងមានផ្សាយបន្តផ្ទាល់នៅកម្ពុជា តាមរយៈកញ្ចក់ទូរទស្សន៍ MyTV ព្រមទាំងនៅលើបណ្ដាញសង្គមរបស់ CNC Sports ។

Arsenal ចាប់ផ្តើមយុទ្ធនាការ UEFA Champions League របស់ពួកគេ ដោយត្រូវប៉ះ Atalanta មុនប្រកួតទល់នឹង Manchester City នៅថ្ងៃសប្ដាហ៍បន្ទាប់៕

អត្ថបទទាក់ទង