Newcastle United បន្តចរចានាំយកខ្សែប្រយុទ្ធ Anthony Elanga ពី Nottingham Forest

Premier League
September 11th, 2024 (1 month)
195 Views
Share

Newcastle United បានដាក់គោលដៅក្នុងការបន្តការចរចានាំយកខ្សែប្រយុទ្ធ Anthony Elanga ពី Nottingham Forest អោយខានតែបាននៅពេលខាងមុខ។

ជាការពិត Newcastle United បានព្យាយាមចុះហត្ថលេខានាំយកកកីឡាករវ័២២ឆ្នាំ ពីក្លិប Nottingham Forest ក្នុងដំណាក់កាលចុងក្រោយនៃទីផ្សារដោះដូរកីឡាករកាលពីរដូវក្តៅកន្លងទៅ ប៉ុន្តែសំណើរបស់ពួកគេដែលមានតម្លៃ ៥០ លានផោននោះត្រូវបានបដិសេធ។

ទោះយ៉ាងណា ប្រភពពីគេហទំព័រ Caught Offside បានចុះផ្សាយថា Newcastle United នឹងបន្តចរចារនាំយកកីឡាករស៊ុយអែតរូបនេះ នៅពេលទីផ្សារដោះដូរនិងបើកដំណើរការលើកទី២នៅពាក់កណ្តាលរដូវកាលពោលគឺដើមឆ្នាំ ២០២៥ បន្តទៀត។

បែបនេះក្តី Nottingham Forest បានចាត់ទុក Anthony Elanga ជាកីឡាករសំខាន់មួយរូប នឹងមិនមានបំណងលក់រូបគេនៅពេលឆាប់ៗនោះទេ។

Anthony Elanga ដែលដុះដាលចេញពីថ្នាលយុវជន Man UTD បានមកចូលរួម Nottingham Forest កាលពីឆ្នាំ២០២៣ ដោយមកទល់ពេលនេះរូបគេបានបង្ហាញខ្លួន ៤៣ប្រកួត ស៊ុតបាន៥គ្រាប់ផងដែរ។
ដោយឡែក ប្រសិនបើ Newcastle United មិនទទួលបានជោគជ័យក្នុងការចរចានាំយក Anthony Elanga ទៀត នោះពួកគេអាចនឹងប្តូរគោលដៅទៅ Antony របស់ Man UTD វិញម្តង ដោយក្លិបបិសាចក្រហមអាចនិងដាក់លក់កីឡាករប្រេស៊ីល វ័យ ២៤ឆ្នាំ ក្នុងតម្លៃ ៤០ លានផោន។

គ្រូបង្វឹក Newcastle United លោក Eddie Howe ធ្លាប់កោតសរសើរទម្រង់លេងរបស់អតីតកីឡាករ Ajax រូបនេះបន្ទាប់ពីរូបគេបានផ្លាស់មកកាន់ទឹកដី Old Trafford នៅឆ្នាំ ២០២២។ Antony ធ្លាប់ត្រូវបានផ្សារភ្ជាប់ជាមួយនឹងការប្តូរទៅកាន់ក្លិប Fenerbahce ក្រោមការដឹកនាំរបស់លោក Jose Mourinho កំលុងពេលទីផ្សារដោះដូរកីឡាករទួរគីមិនទាន់បិទបញ្ចប់។

Antony បានបង្ហាញខ្លួនចំនួន ៨៣ លើកសម្រាប់ Man UTD គ្រប់ក្របខណ្ឌប្រកួត ស៊ុតបញ្ចូលទីបាន ១១ គ្រាប់ និងបញ្ជូនបាល់អោយមិត្តរួមក្រុមបញ្ចប់ទី៥ដងក្នុងនោះនៅក្របខណ្ឌ Premier League រកបាន ៥ គ្រាប់ និង ចែកបាល់សម្រេចទី ៣ ដងក្នុងការបង្ហាញខ្លួន ៥៥ លើក៕

អត្ថបទទាក់ទង