ខ្សែការពារ Arsenal Riccardo Calafiori មិនទាន់ច្បាស់ពីវត្តមានការប្រកួតចុងសប្តាហ៍នេះព្រោះរបួស

Premier League
September 11th, 2024 (1 month)
184 Views
Share

នៅខណៈដែល Arsenal នឹងត្រូវជួបគូប្រជែងជើងខ្លាំងដូចជា Tottenham Hotspur នៅក្នុងជំនួបក្របខណ្ឌ Premier League ចុងសប្តាហ៍នេះ ក្រុមកាំភ្លើងធំបានជួបដំណឹងមិនល្អនោះគឺ សមាជិកថ្មីគឺខ្សែការពារ Riccardo Calafiori បានរងរបួសទៅហើយ។

កីឡាករវ័យ ២២ឆ្នាំ បានរងរបួសកំភួនជើង ក្នុងការប្រកួតពានរង្វាន់ UEFA Nations League ដែលក្រុមបាល់ទាត់ជម្រើសជាតិអ៊ីតាលីបានផ្តួលក្រុមម្ចាស់ផ្ទះបារាំង។ ជាក់ស្តែង Riccardo Calafiori ដែលអាចលេងបានតួនាទីការពារកណ្តាល និង ការពារស្លាបឆ្វេងរូបនេះ បានរងរបួសបញ្ហាកំភួនជើង និង ត្រូវបោះបង់ការប្រកួតកំលុងនាទីទី ៧១ សម្រាប់ការប្រកួតកាលពីចុងសប្តាហ៍កន្លងទៅ នៅកីឡដ្ឋាន Parc Des Princes ទីក្រុងប៉ារីស។

ដំបូងឡើយរបួសរបស់ Riccardo Calafiori ត្រូវបានវាយតម្លៃថាមិនធ្ងន់ធ្ងរនោះទេ ក្រោមការយកចិត្តទុកដាក់ពីសំណាក់ក្រុមគ្រូពេទ្យក្រុមអ៊ីតាលីពី។ ជាមួយគ្នានោះ គ្រូបង្វឹកក្រុមអ៊ីតាលី លោក Luciano Spalletti ផ្ទាល់បានបញ្ជាក់ថា Riccardo ឆ្លងកាត់ការវាយតម្លៃពីក្រុមគ្រូពេទ្យហើយ សង្ឃឹមថារូបគេនឹងត្រលប់មកជួយក្រុមនៅ ការប្រកួតបន្ទាប់។

ផ្ទុយទៅវិញ Riccardo Calafiori បានខកខានហ្វឹកហាត់ ហើយក៏បានខកខានការប្រកួតពានរង្វាន់ UEFA Nations League ដែលអ៊ីតាលី ឈ្នះ អ៊ីស្រអែល ដោយលទ្ធផល ២-១។

សាមីកីឡាករ នឹងវិលត្រលប់ទៅកាន់ទៅទីក្រុងឡុងដ៍វិញ មុនពេលត្រូវវាយតម្លៃសាជាថ្មីដោយក្រុមគ្រូពេទ្យរបស់ Arsenal ។

អតីតកីឡាករ Bologna បានបង្ហាញខ្លួនបាន ២ ដងសម្រាប់ Arsenal ក្នុងការប្រកួតក្របខណ្ឌ Premier League រដូវកាលថ្មី ២០២៤-២៥ នេះ ក្រោយចាកចេញពីក្លិបនៅក្របខណ្ឌ Serie A មកកាន់ទឹកដី Emirates ក្នុងតម្លៃផ្ទេរកំនត់ត្រា៤២លានផោន។

ដោយសារបញ្ហានេះ រូបគេនៅមិនទាន់ច្បាស់ថានិងអាចលេងទល់ក្រុមមានមូលដ្ឋាននៅទីក្រុងឡុងដ៏រួមគ្នាគឺ ក្រុមម្ចាស់ផ្ទះ Tottenham Hotspur ឬយ៉ាងណានោះទេ។
បច្ចុប្បន្ន Arsenal កំពុងឈរលេខ ៤ ក្នុងតារាងពិន្ទុក្របខណ្ឌ Premier League រដូវកាលថ្មី ២០២៤-២៥ ដោយមាន៧ពិន្ទុ ខណៈ Tottenham Hotspur កំពុងឈរលេខ១០ មាន៤ពិន្ទុ ក្រោយឆ្លងកាត់៣ប្រកួតដូចគ្នា៕

អត្ថបទទាក់ទង