ខ្សែបម្រើ Antony ប្តេជ្ញាបន្តលេងជាមួយ Man UTD ទោះមានការចាប់អារម្មណ៍ពី Fenerbahce

Premier League
September 12th, 2024 (1 month)
198 Views
Share

ខ្សែបម្រើ Antony បានអះអាងពីការប្តេជ្ញាចិត្តក្នុងការលេងជាមួយ Man UTD បើទោះបីជាមានការចាប់អារម្មណ៍ពីសំណាក់ក្លិបទួរគី Fenerbahce ក៏ដោយ។

ជាការពិត ទោះទីផ្សារដោះដូរកីឡាករនៅក្របខណ្ឌ Premier League បានបញ្ចប់ក៏ដោយ ប៉ុន្តែក្លិបនៅក្របខណ្ឌកំពូលទួរគី Süper Lig អាចចុះហត្ថលេខាលើកីឡាករសញ្ជាតិប្រេស៊ីលរហូតដល់ថ្ងៃសុក្រ ហើយក្លិប Fenerbahce ដែលដឹកនាំដោយលោក Jose Mourinho គឺចង់បាន Antony សម្រាប់មកពង្រឹងក្រុមបន្ថែម។

សម្រាប់សាមីកីឡាករ Antony ហាក់មានភាពស្ទាក់ស្ទើរក្នុងការផ្ទេរទៅកាន់ក្លិប Fenerbahce ហើយឆ្លើយតបនឹងការចង់បានខ្លួនបែបនេះ កីឡាករវ័យ២៤ឆ្នាំ ចង់បន្តនៅ Man UTD នឹងប្រយុទ្ធដើម្បីស្វែងកន្លែងលេងលើទីលាន។

កីឡាករដែលខកខានមិនបានជាប់ជម្រើសជាតិប្រេស៊ីលក្នុងការប្រកួតជម្រុះ World Cup រូបនេះនៅសល់កុងត្រា៣ឆ្នាំទៀតជាមួយ Man UTD បន្ទាប់ពីផ្ទេរតម្លៃកប់ពពករហូតដល់ទៅ៨២លានផោនពីក្លិបហូឡង់ Ajax កាលឆ្នាំ២០២២។

ទោះយ៉ាងណា សម្រាប់ការប្រកួតរដូវកាលថ្មី ២០២៤-២៥ នេះ Antony បានចូលលេងតែ១ប្រកួតប៉ុណ្ណោះនៅក្របខណ្ឌ Premier League អោយក្រុមបិសាចក្រហមក្នុង៣សប្ដាហ៍ចាប់ផ្ដើមរដូវកាលថ្មីមកនេះ។
ចំពោះ លោក Erik ten Hag ដែលជាគ្រូបង្វឹក Man UTD បច្ចុប្បន្នក៏កំពុងស្ទាក់ស្ទើរក្នុងការលក់ Antony ក៏ព្រោះតែរូបគេជាកីឡាករសំខាន់មួយរូបរបស់លោក មិនថានៅក្លិបចាស់ Ajax នៅក្លិប Man UTD នោះឡើយ៕

អត្ថបទទាក់ទង