Arsenal ដាក់គោលដៅសំខាន់ទិញយកខ្សែការពារ Miguel Gutierrez ពី Girona

Premier League
September 18th, 2024 (4 weeks)
126 Views
Share

មានការរាយការណ៍មកថា ក្លិប Arsenal នៅលីគកំពូលអង់គ្លេសបានដាក់គោលដៅសំខាន់ក្នុងការទិញយកខ្សែការពារ Miguel Gutierrez ពីក្លិបអេស្ប៉ាញ Girona។

កីឡាករ វ័យ២៣ឆ្នាំ ត្រូវបានចាត់ទុកថាជាកីឡាករដ៏ល្អបំផុតម្នាក់នៅក្នុងលីគកំពូលអេស្ប៉ាញ កាលពីរដូវកាលមុន និងកំពុងទាក់ទាញការចាប់អារម្មណ៍ពីក្លិបធំៗ ជាច្រើនមកពីតំបន់អឺរ៉ុប។

Miguel Gutierrez ធ្លាប់ស៊ុតបញ្ចូលទីប្រកួតប៉ះ Barcelona និងធ្លាប់បានបញ្ចូលបាល់អោយមិត្តរួមក្រុមរកគ្រាប់បាល់បានចំនួន៩គ្រាប់ កាលពីរដូវកាលមុន។

មែនទែនទៅ ក្លិប Girona បានបាត់បង់កីឡាករសំខាន់ៗចំនួន៥រូបរួចមកហើយកាលពីទីផ្សារដោះដូរកីឡាកររដូវកាលមុន ដោយនៅសល់តែ កីឡាករអេស្ប៉ាញរូបនេះតែប៉ុណ្ណោះ ។

យ៉ាងណា ដំណឹងនៃការចាប់អារម្មណ៍ពីក្លិប Arsenal ធ្វើអោយមានការជឿថា Miguel Gutierrez ក៏នឹងត្រូវចាកចេញពីទឹកដី Estadi Montilivi នាពេលខាងមុខហើយ។

ការដែល Arsenal ដាក់គោលដៅក្នុងការទិញយក Miguel Gutierrez ដ្បិតពួកគេកំពុងតែស្វែងរកខ្សែការពារឆ្វេងពិសេសម្នាក់ ដើម្បីបង្កើនការប្រកួតប្រជែងនៅក្នុងក្រុម។

Miguel Gutierrez ក៏កំពុងទាក់ចិត្តក្លិបធំដែលលេងនៅលីគកំពូលអេស្ប៉ាញដែរ នោះគឺ Real Madrid ខណៈដែលរូបគេមានតម្លៃត្រឹមតែ៨លានអឺរ៉ូប៉ុណ្ណ៉ោះក្នុងតម្លៃទីផ្សារបច្ចុប្បន្ននេះ។

ក្រៅពីការទទួលបានការចាប់អារម្មណ៍ពីក្លិប Arsenal និង Real Madrid ហើយ Miguel Gutierrez ក៏កំពុងទាក់ចិត្តក្លិបធំៗដទៃទៀតដូចជា Bayern Munich និង Bayer Leverkusen ។

សម្រាប់ Bayern Munich ការនាំយក Miguel Gutierrez គឺដើម្បីត្រៀមសម្រាប់បំពេញកន្លែងនៅក្នុងក្រុមនៅពេលដែល Alphonso Davies ចាកចេញ ខណៈ Bayer Leverkusen វិញចង់នាំយក Miguel Gutierrez ទុកជំនួសកន្លែងរបស់ Alex Grimaldo ៕

អត្ថបទទាក់ទង