អាជ្ញាកណ្តាលកាត់ក្តីការប្រកួតរវាង Bournemouth ទល់នឹង Chelsea រងការគម្រាមកំហែង

Premier League
September 18th, 2024 (4 weeks)
261 Views
Share

មន្ត្រីអាជ្ញាកណ្តាល លោក Anthony Taylor ដែលកាត់ក្តីការប្រកួតរវាង Bournemouth ទល់នឹង Chelsea នៅក្នុងជំនួបក្របខណ្ឌ Premier League កាលពីការប្រកួតសប្តាហ៍ទី៤ បានរងការគម្រាមកំហែង។

ក្របខណ្ឌ Premier League កំពុងសម្លឹងមើលទៅលើប្រព័ន្ធផ្សព្វផ្សាយសង្គមដែលកំណត់គោលដៅលើអាជ្ញាកណ្តាលវ័យ៤៥ឆ្នាំ បន្ទាប់ពីការកាត់ក្តីរបស់លោកក្នុងការប្រកួតដែល ក្រុម Chelsea ឈ្នះលើក្រុម Bournemouth ក្នុងលទ្ធផល ១-០ ដោយក្នុងការប្រកួតនោះលោកបានបំបែកកំណត់ត្រាសម្រាប់ការចាយកាតពិន័យយ៉ាងច្រើនក្នុងមួយប្រកួត។

ការគម្រាមកំហែង នោះរួមមានដល់ការប៉ុនប៉ងដល់ជីវិតក្រុមគ្រួសារលោក Anthony Taylor ដែលវាបានកើតឡើង ក្រោយពេលរូបលោក បានធ្វើការពិន័យកាតលឿងដល់ទៅ ១៤សន្លឹក ដល់កីឡាករក្រុមទាំងសងខាងនៅក្នុងការប្រកួតនាកីឡដ្ឋាន Vitality ហើយក្នុងនោះមាន ២ សន្លឹកទៀតត្រូវបានដាក់ពិន័យ ដល់បុគ្គលិកក្រុមគ្រូបង្វឹករួមទាំងគ្រូបង្វឹក Chelsea លោក Enzo Maresca ផងដែរ។

ដោយសារបញ្ហានេះ លោកអាជ្ញាកណ្តាលជនជាតិអង់គ្លេស ត្រូវបានស្ថាប័នគ្រប់គ្រងអាជ្ញាកណ្តាលរបស់អង់គ្លេស PGMOL ផ្លាស់ប្តូរតួនាទីរបស់លោកមកជាមន្ត្រីអាជ្ញាកណ្តាលទី៤វិញ នៅក្នុងការប្រកួត ក្របខណ្ឌ Premier League រវាង Southampton ទល់នឹង Ipswich និងការប្រកួត Brighton ទល់នឹង Nottingham Forest ដើម្បីការពារសុវត្ថិភាពរបស់លោក។

សម្រាប់រឿងរ៉ាវ នៃការគម្រាមកំហែង ដល់អាយុជីវិតនិងក្រុមគ្រួសារមន្ត្រីអាជ្ញាកណ្តាល នេះដែរ មន្ត្រីមានសមត្ថកិច្ចរបស់អង់គ្លេសកំពុងធ្វើការស្រាវជ្រាវ និង ចាត់វិធានការតាមផ្លូវច្បាប់នានា។

សូមបញ្ជាក់ថា កាលពីការប្រកួតរវាង Bournemouth ទល់នឹង Chelsea នៅកីឡដ្ឋាន Vitality នោះ មានការប៉ះទងិ្គច និង រឿងរ៉ាវចម្រូងចម្រាសជាច្រើនបានកើតឡើងរវាងកីឡាករក្រុមទាំងសងខាង ដែលធ្វើអោយមានការពិន័យកាតលឿងដល់ទៅ ១៤កាត ដោយក្នុងនោះ កីឡាករចំណូលថ្មីរបស់ Chelsea គឺ João Félix ក៏បានទទួលរងការពិន័យផងដែរ៕

អត្ថបទទាក់ទង