ខ្សែប្រយុទ្ធ Anthony Martial ចូលរួមជាមួយ AEK Athens ក្រោយចាកចេញពី Man UTD

Premier League
September 19th, 2024 (4 weeks)
119 Views
Share

បន្ទាប់ពីចាកចេញពី Man UTD ខ្សែប្រយុទ្ធ Anthony Martial បានរកបានក្លិបថ្មីហើយគឺ ក្លិប AEK Athens ដែលជាក្លិបលេងនៅក្របខណ្ឌកំពូលក្រិក Super League Greece ។

កីឡាករបារាំង បានបញ្ចប់កុងត្រាជាមួយនឹងក្លិប Man UTD ក្រោយមកលេងអោយក្លិបបិសាចក្រហមតាំងពីឆ្នាំ២០១៥មក។

ប៉ុន្មានរដូវកាលចុងក្រោយនេះ Anthony Martial មិនសូវជោគជ័យនៅក្លិប Man UTD នោះទេដោយសារតែរូបគេមានរបួសច្រើនជាញឹកញាប់ក្នុងមួយរដូវកាលទៅមួយរដូវកាល។

Martial ធ្លាប់លេងអោយ Man UTD តាំងពីរដូវកាលឆ្នាំ២០១៥-១៦ ដោយចូលលេងបាន ៣១៧ប្រកួត និងស៊ុតចូល ៩០គ្រាប់។ កីឡាករនេះធ្លាប់ជាកីឡាករបង្គោលរបស់ក្លឹបនេះរយៈពេល៦រដូវកាល ប៉ុន្តែដោយសារតែរបួសក៏ធ្លាក់ជើង។

សម្រាប់ការចូលរួមជាមួយ AEK Athens នេះ កីឡាករវ័យ២៨ឆ្នាំ ត្រូវបានរាយការណ៍ថា បានចូលរួមក្នុងនាមជាកីឡាករខ្ចីជើង ដោយគេចុះកុងត្រា រយៈពេល៣ឆ្នាំ ពោលគឺរហូតដល់ឆ្នាំ ២០២៧ ហើយទទួលបានប្រាក់ឈ្នួល ២,៥ លានផោន ក្នុងមួយឆ្នាំ ដែលធ្វើអោយរូបគេក្លាយជាកីឡាករទទួលបានប្រាក់ឈ្នួលខ្ពស់មួយរូបរបស់ក្លិប ជើងឯកលីគកំពូលក្រិច ១៣សម័យមួយនេះ។

នៅក្នុងការបង្ហាញខ្លួនជាសមាជិក AEK Athens Anthony Martial បានទទួលការស្វាគមន៍ពីអ្នកគាំទ្រយ៉ាងច្រើន ដោយអ្នកគាំទ្របានច្រៀងចម្រៀងរបស់ក្លិប ដើម្បីអបអរការមកដល់របស់រូបគេ។

Anthony Martial បានឈ្នះពានរង្វាន់ UEFA Europa League និង FA Cup ជាមួយ Man UTD ដោយបង្ហាញខ្លួនបាន ៣១៧ដង ស៊ុតបញ្ចូលទី ៩០គ្រាប់។

ក្រៅពី Anthony Martial ហើយ AEK Athens ក៏បានចុះកុងត្រានាំយកអតីតសមាជិក Tottenham Hotspur និង Sevilla កីឡាករខ្សែបម្រើ Erik Lamela ផងដែរ។

AEK Athens បានឆ្លងកាត់ការប្រកួតក្របខណ្ឌ Super League Greece រដូវកាលថ្មី ២០២៤-២៥ ចំនួន ៤ប្រកួតរួចហើយ ដោយទទួលលទ្ធផល ឈ្នះ ៣ដង ស្មើ១ដង ដែលធ្វើអោយពួកគេឈរកំពូលតារាង មាន ១០ពិន្ទុ។ ការប្រកួតជាបន្ត AEK Athens នឹងជួប Athens Kallithea នៅចុងសប្តាហ៍នេះ៕

អត្ថបទទាក់ទង