Chelsea ចង់ស្វែងរកបេក្ខភាពថ្មីជំនួសប្រធានក្រុម Reece James

Premier League
September 23rd, 2024 (3 weeks)
164 Views
Share

Chelsea ត្រូវបានសារពត៌មាននៅអង់គ្លេសរាយការណ៍ថា កំពុងស្វែងរកបេក្ខភាពថ្មី ដើម្បីជំនួសប្រធានក្រុមរបស់ពួកគេគឺ ខ្សែការពារ Reece James។

ជាការពិត ទោះជា Reece James បានកាន់តំណែងសំខាន់ នៅក្រុមតែខៀវក៏ពិតមែន ប៉ុន្តែ ពួកគេហាក់លែងមានភាពអត់ធ្មត់ក្នុងការរង់ចាំ កីឡាករវ័យ ២៤ឆ្នាំដែលមានបញ្ហារបួសជាញឹកញាប់ ជាពិសេសគឺរបួសសរសៃពួរ ដែលធ្វើអោយរូបគេអវត្តមានជាច្រើនសប្តាហ៍ក្នុងរយៈពេលមួយលើកៗ។

ពេញមួយរដូវកាលចាស់ ២០២៣-២៤ កីឡាករអង់គ្លេស Reece James បង្ហាញខ្លួនបានត្រឹមតែ ១១ ប្រកួត គ្រប់កម្មវិធី។

សម្រាប់រដូវកាលថ្មី Reece James ក៏មិនមានតម្រុយជាក់លាក់ក្នុងការវិលត្រឡប់មកទីលានវិញជាទៀងទាត់ដែរ ដែលធ្វើអោយ Chelsea ដាច់ចិត្តសម្លឹងរកកីឡាករថ្មីបណ្តើរៗមកជំនួសតំណែងរបស់គេ។

យោងប្រភពពី TBR Football បានចុះផ្សាយថា ក្រុមតោខៀវបច្ចុប្បន្នក្រោមការដឹកនាំរបស់គ្រូបង្វឹកលោក Enzo Maresca បានសម្លឹងឃើញកីឡាករ ៥រូបរួចទៅហើយ។

កីឡាករទី១ គឺ Jules Kounde ដែលជាខ្សែការពារស្លាបស្តាំនិងអាចលេងការពារណ្តាលរបស់ក្រុម Barcelona ធ្លាប់ត្រូវបាន Chelsea ទាក់ទងចង់បានមុនពេលរូបគេសម្រេចចិត្តផ្លាស់ពី Sevilla មក Barcelona នៅឆ្នាំ២០២២។

Chelsea ក៏បានសម្លឹងមើល Jeremy Frimpong ខ្សែបម្រើ-ការពារ របស់ក្រុម Leverkusen ដែលអាចជាជម្រើសដ៍ល្អបំផុតម្នាក់ក្រោយពីរូបគេបានជួយអោយ Leverkusen លើកពានជាប្រវត្តិសាស្រ្តកាលពីរដូវកាលចាស់។

កីឡាករទី៣ ដែល Chelsea បានដាក់គោលដៅដែរនោះគឺ ខ្សែការពារ Kiliann Sildillia របស់ក្រុម FC Freiburg ដែលទើបបានបង្ហាញខ្លួនចំនួន ៣លើកសម្រាប់ក្រុមមាន់គកបារាំងក្នុងព្រឹត្តិការណ៍កីឡាអូឡាំពិកកាលពីពេលកន្លងទៅ។

ចំពោះកីឡាករ២រូបទៀត គឺ Michael Kayode កីឡាករវ័យក្មេងសញ្ជាតិអ៊ីតាលីរបស់ក្រុម Fiorentina និង ខ្សែប្រយុទ្ធមានវ័យទើបតែ១៧ឆ្នាំសញ្ជាតិព័រទុយហ្គាល់ Geovany Quenda របស់ក្រុម Sporting CP៕

អត្ថបទទាក់ទង