ពិធីករកីឡាជើងចាស់អង់គ្លេស ថា Arsenal នឹងឈ្នះ Premier League រដូវកាលនេះ

Premier League
September 24th, 2024 (3 weeks)
195 Views
Share

ពិធីករទូរទស្សន៍ជើងចាស់របស់អង់គ្លេស លោក Piers Morgan បានធ្វើការទស្សន៍ទាយថាក្រុម Arsenal នឹងឈ្នះជើងឯកពានរង្វាន់ Premier League នៅរដូវកាល ២០២៤-២៥ ។

ក្នុងនាមជាពិធីករកីឡាជើងចាស់ល្បីឈ្មោះនៅអង់គ្លេស លោក Piers Morgan ដែលធ្លាប់ធ្វើបទសម្ភាសន៍ជាមួយខ្សែប្រយុទ្ធ Cristiano Ronaldo បានបញ្ចេញមតិយល់ឃើញបែបនេះក្រោយការប្រកួតក្រុមភ្ញៀវ Arsenal ស្មើ ២ទល់និង២ នៅក្របខណ្ឌ Premier League ទល់នឹង Man City កាលពីការប្រកួតសប្តាហ៍ទី៥។

បុរសវ័យ៥៩ឆ្នាំបានកត់សម្គាល់ឃើញថា ទោះបីជានៅសល់គ្នាតែ១០នាក់បន្ទាប់ពីខ្សែប្រយុទ្ធLeandro Trossard ត្រូវបានបណ្តេញចេញនៅចុងបញ្ចប់វគ្គទី១ ប៉ុន្តែក្រុម Man City របស់លោក Pep Guardiola នៅតែមិនអាចផ្តួលក្រុមភ្ញៀវ Arsenal របស់លោក Miket Arteta បាន។

លោក Morgan បានសរសេរនៅលើបណ្តាញសង្គមដោយមានសំណេរថា “ក្រុម Arsenal បានបង្ហាញពីភាពខ្លាំង និងលេងដោយមានក្រមសីលធម៌ព្រោះពួកគេកំពុងលេងជាមួយក្រុមដែលមានប្រៀបជាងពួកគេ ប៉ុន្តែនៅតែអាចរក្សាកម្រិតលេងស្មើគ្នាបាន។”

បុរសជនជាតិអង់គ្លេសបន្តថា “ តាមរយៈទម្រង់ល្អបែបនេះ Arsenal នឹងអាចក្លាយជាក្រុមឈ្នះជើងឯក Premier League រដូវកាលនេះ ហើយក៏ជាឈ្នះដ៏មានតម្លៃ ព្រោះពួកគេបានយកឈ្នះចិត្តអ្នកគាំទ្រជាច្រើនថែមទៀត។”

ដោយឡែក គ្រូបង្វឹក Man City លោក Pep Guardiola ក៏បានទទួលស្គាល់ពីភាពខ្លាំងរបស់ក្រុម Arsenal និងបានបញ្ជាក់ថា Arsenal គឺជាគូប្រជែងធំរបស់ក្រុម Man City នៅក្នុងការប្រជែងពានរង្វាន់ក្របខណ្ឌ Premier League រដូវកាល ២០២៤-២៥ នេះ៕

អត្ថបទទាក់ទង